ပါတီ၊ ကွန်ရက်နှင့် ပြည်ပအလှူငွေရယူမှု နိုင်ငံရေးပါတီများ အယူအဆကွဲ

Written by  ဉာဏ်မျိုးအောင်

နိုင်ငံရေးပါတီများ ပြည်ပအလှူငွေ ရယူခြင်း မပြုရန် နိုင်ငံရေးပါတီများ မှတ်ပုံတင်ဥပဒေတွင် အတိအလင်း ဖော်ပြထားသော်လည်း ပါတီအမည်အောက်တွင် ဖွဲ့စည်းထားသည့် ကွန်ရက်များ ၊ ကော်မတီများ ကဲ့သို့သော အဖွဲ့အစည်းများက ပြည်ပအလှူငွေ ရယူခွင့်ရှိ မရှိအပေါ် အယူအဆ မတူကြကြောင်း ယင်းပါတီများထံမှ သိရသည်။

နိုင်ငံရေးပါတီများက ကော်မတီ၊ ကွန်ရက် ကဲ့သို့သောအဖွဲ့များ ဖွဲ့စည်းပြီး နိုင်ငံတကာ အထောက်အပံ့များ ရယူကာ ပညာရေး၊ ကျန်းမာရေးတို့တွင် သုံးစွဲနေမှုမှာ လုပ်ဆောင်ရန် သင့်၊ မသင့် အကြံပြုစေလိုကြော င်း ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ဇွန်လ ၁၀ ရက်နေ့တွင် နိုင်ငံရေးပါတီများ ထံ စာပေးပို့ခဲ့သည်။ နိုင်ငံရေးပါတီများ အနေနှင့် အကြံပြုချက်များကို ဇွန်လ ၂၁ရက်နေ့ နောက်ဆုံးထား ပြီး ပေးပို့စေလိုကြောင်းလည်း ယင်းစာတွင် ဖော်ပြထားသည်။

ယင်းအကြံပြုချက် မတောင်းခံမီ ဧပြီလ ၂၆ ရက်နေ့တွင် နိုင်ငံရေးပါတီများနှင့် ရွေးကောက်ပွဲ ကော်မရှင် တို့ တွေ့ဆုံစဉ် NLD ကျန်းမာရေး ကွန်ရက်က မြန်မာနိုင်ငံဆိုင်ရာတရုတ်သံအမတ်ကြီး မစ္စတာယန်ဟို လန်၏ အလှူငွေကို လက်ခံခြင်းမှာ နိုင်ငံရေးပါတီများ မှတ်ပုံတင် ဥပဒေနှင့် ငြိစွန်းနေကြောင်း နိုင်ငံရေးပါ တီနှစ်ခုက တင်ပြခဲ့ဖူးသည်။

နိုင်ငံရေးပါတီများသည် နိုင်ငံခြား တိုင်းပြည်တစ်ခု၏ အစိုးရ သို့မဟုက် ဘာသာရေးအဖွဲ့အစည်း သို့မဟုတ် အခြားအဖွဲ့အစည်းတစ်ခုခု သို့မဟုတ် ပုဂ္ဂိုလ်တစ်ဦးတစ်ယောက်ထံမှ ငွေကြေးပစ္စည်းနှင့် အခြားအထော က်အပံ့ကို တိုက်ရိုက်ဖြစ်စေ၊ သွယ်ဝိုက်သော နည်းဖြင့်ဖြစ်စေ ရယူသုံးစွဲခြင်း သို့မဟုတ် ယင်းတို့၏ သြဇာခံ ယူခြင်း မပြုရဟု နိုင်ငံရေးပါတီများ မှတ်ပုံတင် ဥပဒေ ပုဒ်မ ၆(စ) နှင့် ဖွဲ့စည်းပုံ အခြေခံဥပဒေ ပုဒ်မ ၄၀၇ (ဂ) တို့တွင် ပြဋ္ဌာန်းထားသည်။

ရွေးကောက်ပွဲ ကော်မရှင်ထံသို့ ပေးပို့ခဲ့သည့် NLD ပါတီ၏ အကြံပြုချက်တွင် ဥပဒေအတိုင်း လုပ်ဆောင် သွားရန်နှင့် ကွန်ရက်များမှာ ပါတီက ဖွဲ့စည်းပေးခြင်း မဟုတ်သဖြင့် ပါတီနှင့် မသက်ဆိုင်ဟု ရေးသား ထားကြောင်း NLD ပါတီဗဟို အလုပ်အမှုဆောင် ဦးဉာဏ်ဝင်းက ဆိုသည်။

ရွေးကောက်ပွဲ ကော်မရှင် ဥက္ကဋ္ဌ ဦးတင်အေးကမူ နိုင်ငံရေးပါတီများ မှတ်ပုံတင်ခြင်း ဥပဒေ ပုဒ်မ ၂(င)တွင် ဖော်ပြထားသော ပါတီအဓိပ္ပာယ် ဖွင့်ဆိုချက်အရ ယင်းပါတီက ဖွဲ့စည်းပေးထားသော ပါတီခွဲ အဆင့်ဆင့်သည်လည်း ပြည်ပထောက်ပံ့ငွေ ရယူခြင်း တားမြစ်ချက်ကို လိုက်နာရမည် ဖြစ်ကြောင်း ၎င်း၏စာတွင် ဖော်ပြသည်။ ယင်းကိစ္စနှင့် ပတ်သက်၍ ဦးဉာဏ်ဝင်းက “ရောပြောလို့ မရဘူး။ ကွန်ရက်ကို ပါတီက ဖွဲ့တာ မဟုတ်ဘူး”ဟု ဆိုသည်။

ကွန်ရက်များ အနေနှင့် နိုင်ငံရေးပါတီ အမည်ခံပြီး နိုင်ငံရေးပါတီတစ်ခု၏ လက်အောက်တွင် ပါတီလုပ် ငန်းစဉ်ကို အကောင်အထည် ဖော်နေသည့်သဘော သက်ရောက်ပါက ဥပဒေနှင့် ငြိစွန်းကြောင်း တရား လွှတ်တော်ရှေ့နေ ဦးခင်မောင်ရှိန်က မှတ်ချက်ပြုသည်။

သို့သော် NLD ပါတီ ကျန်းမာရေး ကွန်ရက်နှင့် ပညာရေး ကွန်ရက်များမှာမူ ဘဏ္ဍာရေးမှအစ ပါတီ၏ သြဇာကင်းပြီး နိုင်ငံရေးပါတီ မှတ်ပုံတင်ဥပဒေနှင့် မငြိစွန်းကြောင်း NLD ပါတီဝင်တစ်ဦးလည်း ဖြစ်သော တရားလွှတ်တော်ရှေ့နေ ဦးခင်မောင်ရှိန်က ငြင်းဆိုသည်။

ရခိုင်တိုင်းရင်းသားများ တိုးတက်ရေးပါတီ ဒုတိယဥက္ကဋ္ဌ ဦးအုန်းတင်ကမူ နိုင်ငံရေးပါတီများက ကော်မ တီနှင့် ကွန်ရက်များ ဖွဲ့စည်းပြီး ပြည်ပအလှူငွေ လက်ခံရယူခြင်းမှာ နိုင်ငံရေးပါတီများ မှတ်ပုံတင်ဥပဒေနှင့် မညီကြောင်း ၎င်းတစ်ဦးတည်း၏ သဘောထားကို ထုတ်ဖော် ပြောကြားသည်။

အမျိုးသား ဒီမိုကရေစီ အင်အားစုပါတီ ဗဟိုအလုပ်အမှုဆောင် ဦးကြည်သန်းကလည်း နိုင်ငံရေးပါတီ များကို ပြည်ပ အလှူငွေ လက်ခံခွင့်ပြုပါက ပြည်တွင်း နိုင်ငံရေးတွင် ပြည်ပနိုင်ငံများ၏ သြဇာသက်ရောက်မှု ရှိနိုင်သဖြင့် ပြည်ပအလှူငွေ လက်ခံရယူသော နိုင်ငံရေးပါတီများကို ဥပဒေအတိုင်း အရေးယူရန် အကြံပြု ထားသည်ဟု ဆိုသည်။

 “ပြည်ပအလှူငွေ ခွင့်ပြုလိုက်ရင် ရတဲ့သူနဲ့၊ မရတဲ့သူနဲ့ ပါတီစည်းရုံးရေးမှာ မမျှတမှုတွေ ဖြစ်သွားနိုင်တယ်” ဟု ဦးကြည်သန်းက အနာဂတ်တွင် ဖြစ်လာနိုင်သည့် နိုင်ငံရေး ပြဿနာကို ခန့်မှန်း ပြောဆိုသည်။

ဖလုံ-စဝေါ် ဒီမိုကရက်တစ်ပါတီ အနေနှင့် ပြည်ပအလှူငွေကို လက်မခံသည့်အပြင် ပြည်ပအလှူငွေ လက်ခံသော နိုင်ငံရေးပါတီများ ကိုလည်း အားမပေးကြောင်း ယင်းပါတီ ဥက္ကဋ္ဌ ဦးစောသိန်းအောင်က ဆိုသည်။

ရွေးကောက်ပွဲ ကော်မရှင် ဥက္ကဋ္ဌ ဦးတင်အေးက နိုင်ငံရေးပါတီများ ပြည်ပငွေကြေးလက်ခံမှု ကို နှစ်ကြိမ်တိုင်တိုင် သတိပေးပြီး လိုက်နာမှု မရှိပါက နောက်ဆုံးအကြိမ်တွင် နိုင်ငံရေးပါတီ ဖျက်သိမ်းသော အမိန့်ကို မိမိကိုယ်တိုင် ထုတ်ပြန်သွားမည်ဟု နိုင်ငံရေးပါတီများနှင့် ဧပြီလ ၂၆ရက်နေ့ တွင် တွေ့ဆုံစဉ် သတိပေး ပြောကြားသည်။ ယင်းကိစ္စကို ကိုင်တွယ်မှုကြောင့် ပြဿနာအများ ကြီး ဖြစ်နိုင်သော်လည်း မိမိဘဝကို ရင်းပြီး လုပ်ဆောင်သွားမည်ဟု ဦးတင်အေးက ပြောဆိုသည်။

သြစတြေးလျ-မြန်မာ ပါလီမန်အဖွဲ့ ဥက္ကဋ္ဌ Ms. Janelle Saffin ကမူ နိုင်ငံရေးပါတီတစ်ခုကို မှတ်ပုံတင် ရုပ်သိမ်းပိုင်ခွင့်အထိ ရွေးကောက်ပွဲ ကော်မရှင်ကို အကြွင်းမဲ့ လုပ်ပိုင်ခွင့်အာဏာ ပေးထားခြင်းကို လွှတ်တော်တွင် ပြန်လည် သုံးသပ်သင့်ကြောင်း ၎င်း၏ နိုင်ငံရေးပါတီများနှင့် ဖွဲ့စည်းပုံအခြေခံဥပေ ဒ ပြဋ္ဌာန်းချက်များဆိုသော စာတမ်းတွင် ဖော်ပြထားသည်။

NLD ကျန်းမာရေး ကွန်ရက်က တရုတ်သံအမတ်ကြီး အလှူငွေ လက်ခံရယူခြင်းအပါအဝင် နိုင်ငံရေး ပါတီများ ပြည်ပအလှူငွေ ရယူခြင်းကိစ္စနှင့် ပတ်သက်၍ ဥပဒေနှင့် ငြိစွန်းမှုရှိ၊ မရှိ ဖွဲ့စည်းပုံအခြေခံ ဥပဒေဆိုင်ရာ ခုံရုံးသို့ တင်ပြပြီး အဆုံးအဖြတ် ရယူသွားမည်ဟု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ယခုနှစ် ဧပြီလ ၂၆ ရက်နေ့က ပြောကြားထားသည်။

Ms. Janelle ကလည်း နိုင်ငံရေးပါတီများ မှတ်ပုံတင် ဥပဒေပုဒ်မ၂၀ (ခ)အရ အစွပ်စွဲခံရသော နိုင်ငံေ ရးပါတီ အနေနှင့် ကော်မရှင်၏ ဆုံးဖြတ်ချက်ကို တရားရုံး တက်ဖြေရှင်းခွင့် မပြုသဖြင့် ဖွဲ့စည်းပုံအခြေခံ ဥပဒေဆိုင်ရာ ခုံရုံး၏ အဆုံးအဖြတ်ကို ရယူခြင်းမျိုး ပေါ်ပေါက်လာနိုင်သည်ဟု ကြိုတင် ခန့်မှန်းသည်။

ယင်းကြောင့် ပါတီအမည်အောက်တွင် ဖွဲ့စည်းထားသည့် ကွန်ရက်များ၊ ကော်မတီများက ပြည်သူလူထု လိုအပ်ချက်များကို ပံ့ပိုးကူညီမှု ပြုရာတွင် ပြည်ပအလှူငွေ လက်ခံသင့်၊ လက်မခံသင့် ဆိုသည့်ကိစ္စ မှာ နိုင်ငံရေးပါတီများအကြား အမြင်အမျိုးမျိုး ဖြစ်နေသကဲ့သို့ နိုင်ငံရေးပါတီများ မှတ်ပုံတင်ဥပဒေအရ လည်း ရှင်းလင်းပြတ်သားသည့် အဖြေမရှိပေရာ ဖွဲ့စည်းပုံအခြေခံဥပဒေဆိုင်ရာခုံရုံး၏ အဆုံးအဖြတ်ကို ရယူခြင်းမျိုး ဖြစ်လာမည်ဟု နိုင်ငံရေးသမားများက သုံးသပ်နေကြခြင်း ဖြစ်ပေသည်။

ဥာဏ်မျိုးအောင်