မြန်မာကလေးငယ် အများစု ယနေ့ခေတ်တိုင် နှစ်ခြိုက်စွာ ကြည့်ရှုနေဆဲ ဖြစ်သော အနောက်ဘက်
ခရီးစဉ် (Journey to the West) ဇာတ်ကားတွင် မျောက်မင်း စွန်းဝူခုန်းအဖြစ် သရုပ်ဆောင်သော
မစ္စတာ လျို့ရှောင်လင်းထုံသည် မေလကုန်ခန့်က မြန်မာနိုင်ငံသို့ လာရောက်ခဲ့သည်။ ၎င်း၏ ခရီးစဉ်
တွင် ဒုတိယသမ္မတအပြင် မြန်မာပရိသတ် အချို့နှင့်လည်း တွေ့ဆုံခဲ့သည်။
ယင်းတွေ့ဆုံပွဲနောက်ပိုင်း တရုတ်-မြန်မာ သံတမန် ဆက်ဆံရေးနှင့် ပတ်သက်၍ မေးစရာ မေးခွန်း တစ်ခု ပေါ်လာသည်။ မျောက်မင်း စွန်းဝူခုန်းမှာ တရုတ်နိုင်ငံ၏ သံတမန်ရေးပါဝါ အပျော့လောဆိုေ သာ မေးခွန်းဖြစ်သည်။ အကယ်၍ တရုတ်၏ ပါဝါအပျော့ ဆိုပါက တရုတ်အစိုးရ အနေနှင့် အဘယ်
ကြောင့် သံတမန် ဆက်ဆံရေး နည်းလမ်းကို ပြောင်းလဲသွားရပါသနည်း။
တရုတ်အစိုးရ အနေနှင့် မြန်မာပြည်သူလူထု၏ တရုတ်ဆန့်ကျင်ရေး စိတ်များ နိုးထလာမှုကို စိုးရိမ် လျက်ရှိကြောင်း၊ မြန်မာပြည်သူလူထု၏ စိတ်တွင် ဖြစ်ပေါ်နေသော တရုတ်ဆန့်ကျင်ရေး စိတ်ကို ကုစားလိုပုံရကြောင်း နိုင်ငံတော်သမ္မတ အကြံပေး ဦးကိုကိုလှိုင် ခေါင်းဆောင်သည့် ချစ်ကြည်ရေး ကိုယ်စားလှယ်အဖွဲ့နှင့် တရုတ်နိုင်ငံသို့ သွားရောက်ခဲ့သူတစ်ဦးက ပြောပြဖူးသည်။
အရပ်သားအစိုးရသစ် တက်လာပြီးနောက်ပိုင်း မြန်မာနိုင်ငံသားတို့မှာ နိုင်ငံတကာကျင့်ဝတ် စံနှုန်းနှင့် မညီသော တရုတ်နိုင်ငံပိုင် စီမံကိန်းလုပ်ငန်းတို့ကို ဆန့်ကျင် ဆန္ဒဖော်ထုတ်လာကြသည်။ ယင်းတို့အနက် အထင်ရှားဆုံး စီမံကိန်းအချို့မှာ မြစ်ဆုံရေအားလျှပ်စစ် စီမံကိန်း၊ လက်ပံတောင်းတောင် ကြေးနီစီမံကိ န်းနှင့် တရုတ်-မြန်မာ ရေနံနှင့် သဘာဝဓာတ်ငွေ့ ပိုက်လိုင်းစီမံကိန်းတို့ ဖြစ်သည်။
ကြေးနီတောင် စီမံကိန်း ဆန္ဒဖော်ထုတ်မှုများ ပြင်းပြင်းထန်ထန် လုပ်ဆောင်နေချိန်ကမူ နိုင်ငံရေး အင်အားစုအချို့မှာ တရုတ်ဆန့်ကျင်ရေးနှင့် တရုတ်ပြည်တွင်းဖြစ် ကုန်ပစ္စည်း ဆန့်ကျင်ရေးအထိ ပင် ကြွေးကြော်ဖူးသည်။ ကုလသမဂ္ဂ အထွေထွေအတွင်းရေးမှူးချုပ်ဟောင်း ဦးသန့်နှင့် ပတ်သက်
သော အထိမ်းအမှတ်ပွဲတစ်ခုတွင် ဦးသန့် အရေးအခင်းတွင် ပါဝင်လှုပ်ရှားခဲ့သော ကျောင်းသားေ ဟာင်းကြီးတစ်ဦးက “တရုတ်နိုင်ငံထုတ် ပစ္စည်းများကို သပိတ်မှောက်ကြ” ဟုပင် ဟောပြော စည်းရုံးဖူးသည်။
အမှန်တကယ်တော့ ယင်းကဲ့သို့ ဆန္ဒပြမှုများ ပေါ်ပေါက်လာရခြင်းမှာ တရုတ်အစိုးရ၏ သံတမန် ဆက်ဆံရေး နည်းလမ်းကြောင့် ဖြစ်သည်။ ၂၀၁၂ ခုနှစ် နှစ်ကုန်ပိုင်းခန့်က ထိုစဉ်က မြန်မာနိုင်ငံ
ဆိုင်ရာ တရုတ်သံအမတ်ကြီးက သတင်းမီဒီယာသမားအချို့နှင့် တွေ့ဆုံရာတွင် တရုတ်နိုင်ငံ၏ သံတမန်ရေးနည်းလမ်းကို ထုတ်ဖော် ပြောကြားဖူးသည်။
ထိုတွေ့ဆုံပွဲတွင် သတင်းသမားတစ်ဦးက တရုတ်အစိုးရ အနေနှင့် မြန်မာအစိုးရ ထိပ်ပိုင်းခေါင်းေ ဆာင်များနှင့် ထိတွေ့ဆက်ဆံသော်လည်း ပြည်သူလူထု အခြေပြု အဖွဲ့အစည်းများနှင့် အဘယ်
ကြောင့် ထိတွေ့ဆက်ဆံခြင်း မပြုသနည်းဟု မေးခွန်းထုတ်ဖူးသည်။ တရုတ်အစိုးရအနေနှင့် အလုပ်ဖြစ်ရေးကိုသာ ရှေးရှုသည်ဟု သံအမတ်ကြီးက ဖြေကြားခဲ့သည်။ ဤသည်ပင်လျှင် တရုတ်
စီးပွားရေးစီမံကိန်းများကို ဆန့်ကျင်ဆန္ဒ ဖော်ထုတ်လာရခြင်း၏ အကြောင်းတရားဟု ထင်ပါသည်။
ဒီမိုကရက်တစ်နိုင်ငံတစ်နိုင်ငံနှင့် သံတမန် ဆက်ဆံရေးတွင် ပြည်သူလူထု၏ ဆန္ဒနှင့် ထင်မြင်
ချက်တို့မှာ အဓိကကျကြောင်း တရုတ်အစိုးရအနေနှင့် နားလည် သဘောပေါက်လာသည်မှာ မြစ် ဆုံစီမံကိန်းကို ခေတ္တရပ်ဆိုင်းရန် သမ္မတဦးသိန်းစိန် အမိန့်ထုတ်ပြန်ပြီး နောက်ပိုင်းတွင် ဖြစ်သည်။ ယင်းနောက်ပိုင်း တရုတ်နိုင်ငံတွင်လည်း ပြည်သူလူထု၏ ဆန္ဒကို အလေးထားမည်ဟု ပြောဆိုသော သမ္မတသစ် ရှီကျင့်ဖျင် တက်လာသလို မြန်မာနိုင်ငံဆိုင်ရာ တရုတ်သံအမတ်ကြီး ရာထူးကိုလည်း သံအမတ်သစ် မစ္စတာယန်ဟို့လန်နှင့် အစားထိုးလိုက်သည်။
မစ္စတာယန်ဟို့လန် တရုတ်သံအမတ်ကြီး တာဝန်ယူပြီး မကြာခင်မှာပင် ၂၀၁၃ ခုနှစ် မြန်မာနှစ်
သစ်ကူး ဆုတောင်း စကားပြောရာ၌ မြန်မာနိုင်ငံတွင် အစိုးရသက်တမ်း ၂ နှစ်တာ ကာလအ တွင်း ပြုပြင်ပြောင်းလဲမှုနှင့် တံခါးဖွင့်မူ ဝါဒကြောင့် တိုးတက်မှုများ မြင်တွေ့ရသည်ကို ဝမ်းမြော က်ပါကြောင်း ပြောကြားသည်။ မြန်မာအစိုးရ၏ နိုင်ငံရေး ပြုပြင်ပြောင်းလဲမှုများကို ထောက်ခံေ
ကြာင်းကိုလည်း “မြန်မာနိုင်ငံရဲ့ တည်ငြိမ်မှုနဲ့ တိုးတက်မှုဟာ တရုတ်နိုင်ငံအတွက် အကျိုးရှိပါ
တယ်” ဟု ၎င်းက သွယ်ဝိုက် ပြောကြားခဲ့သည်။
၎င်းလက်ထက်မှာပင် မြန်မာနိုင်ငံရေးပါတီ ငါးပါတီကို တရုတ်နိုင်ငံသို့ အလည်အပတ် ဖိတ်ခေါ်
ခဲ့ပြီး တရုတ်ကွန်မြူနစ်ပါတီမှ ပေါလစ်ဗျူရို အဖွဲ့ဝင်များနှင့်လည်း တွေ့ဆုံပေးခဲ့သည်။ အတိုက် အခံ နိုင်ငံရေးပါတီကြီး ဖြစ်သော အမျိုးသားဒီမိုကရေစီအဖွဲ့ချုပ် ပါတီမှ ပါတီဝင်များကိုပင် တရု
တ်နိုင်ငံသို့ ဖိတ်ခေါ်ခဲ့သည်။ ယင်းသို့ သံတမန်ရေးနည်းလမ်း ပြောင်းလဲလာသည်မှာ ယခင်အစိုး
ရချင်း ဆက်ဆံရေးမှ လူထုဆက်ဆံရေးသို့ ပြောင်းလဲလိုက်ခြင်း ဖြစ်နိုင်ကြောင်း သမ္မတရုံး ညွှန်
ကြားရေးမှူး ဦးဇော်ဌေးက ထိုစဉ်က မှတ်ချက်ပြုသည်။
ထို့ပြင် တရုတ်နှင့် မြန်မာလူထုအကြား တူညီသော ကိုးကွယ်ယုံကြည်မှုကို အခြေခံသည့် သံတ
မန်ရေး နည်းလမ်းတို့ကိုလည်း ကျင့်သုံးခဲ့သည်။ ယင်းမှာ တရုတ်နိုင်ငံ ဘေဂျင်းမြို့ရှိ Lingguang ဘုရားကျောင်းတွင် စံမြန်းသော ဂေါတမဗုဒ္ဓ၏ စွယ်တော်ပွား သုံးဆူကို မြန်မာနိုင်ငံသို့ ပင့်ဆော င်လှူဒါန်းခြင်း ဖြစ်သည်။ ယခုနှစ်တွင်လည်း မြန်မာလူထုနှင့် ရင်းနှီးကျွမ်းဝင်သော ဝူခုန်းမင်းသား ကို မြန်မာနိုင်ငံသို့ စေလွှတ်ခဲ့သည်။
သေချာသည့် အချက်မှာ
တရုတ်အစိုးရအနေနှင့် မြန်မာလူထုကို အလေးထားလာသည် ဆိုသော အချက်ဖြစ်သည်။
သို့ကြောင့်လည်း သံတမန်ရေး နည်းလမ်းကို ပျော့ပျော့ပျောင်းပျောင်း
ကျင့်သုံး လာခြင်း ဖြစ်သည်။ သို့သော် တရုတ်အစိုးရ၏ သံတမန်ရေး
နည်းလမ်းတို့မှာ ထင်သလောက် ထိရောက်မှု ရှိပါသလော၊ မြန်မာလူထု၏
ဦးနှောက်နှင့် အသည်းနှလုံးကို စည်းရုံး သိမ်းသွင်းနိုင်စွမ်းသော
သံတမန်ရေးနည်းလမ်း သို့မဟုတ် ပါဝါအပျော့ ဟုတ်ပါသလောဟု မေးစရာရှိပါသည်။
တရုတ်-မြန်မာ ဆက်ဆံရေးမှာ ထူးမခြားနားဟု ဖြေရပါလိမ့်မည်။
တရုတ်အစိုးရပိုင် Global Times သတင်းစာတွင် တရုတ်ဆောင်းပါးရှင်
တစ်ဦးကမူ မြန်မာနိုင်ငံ ၏ နိုင်ငံရေးမူဝါဒများ အပေါ်တွင် အနောက်နိုင်ငံများက
သြဇာသက်ရောက်နိုင်သည်မှာ ငွေကြေး အထောက်အပံ့များကြောင့် ဖြစ်ကြောင်း၊
တရုတ်အစိုးရအနေနှင့် မြန်မာနိုင်ငံကို ငွေကြေးအကူအ
ညီများ
ပိုမိုပေးသင့်ကြောင်း သုံးသပ် ရေးသားဖူးသည်။ ယင်းနောက်ပိုင်း
မြန်မာနိုင်ငံရှိ အရပ်ဘက် အဖွဲ့အစည်းတချို့ကို ငွေကြေးထောက်ပံ့ခြင်းနှင့်
ဒေသအချို့တွင် ကျောင်းဆောက်ပေးခြင်းတို့ကို တရုတ်အစိုးရက လုပ်ဆောင်ခဲ့သည်။
ယင်းမှာလည်း မြန်မာလူထု၏ ဦးနှောက်နှင့် အသည်းနှလုံးကို လှုပ်ခတ်နိုင်စွမ်း
မရှိခဲ့ပါ။
တရုတ်အစိုးရ၏ သံတမန်ရေး နည်းလမ်းတို့မှာ အနာတခြား ဆေးတခြား ဖြစ်နေသည်။ မြန်မာလူထု အနေနှင့် အနောက်နိုင်ငံမှ စီးပွားရေး လုပ်ငန်းရှင်များ၏ ရင်းနှီးမြှုပ်နှံမှုကို တရုတ်နိုင်ငံမှ ရင်းနှီးမြှုပ်နှံမှု များထက် ပိုမိုလိုလားသည်မှာ မြန်မာလူထုကို ငွေကြေး ဖောဖောသီသီ ထောက်ပံ့ပေးသောကြောင့် မဟုတ်ပါ။ ရင်းနှီးမြှုပ်နှံမှုတွင် နိုင်ငံတကာ ကျင့်ဝတ်စံနှုန်းတို့ကို လေးစားလိုက်နာပါမည် ဆိုသော ၎င်း
တို့၏ ခံယူချက်၊ ကတိကဝတ်နှင့် တာဝန်ယူမှုတို့ကြောင့် လိုလားထောက်ခံခြင်း ဖြစ်ပါသည်။
တရုတ်အစိုးရအနေနှင့်
မြန်မာလူထု၏ ဦးနှောက်နှင့် အသည်းနှလုံးကို ဆွဲဆောင် စည်းရုံးနိုင်သည့်
သံတမန်ရေး ပါဝါအပျော့ကို အမှန်တကယ် ကျင့်သုံးလိုပါက ဤကျင့်ဝတ်၊
စံနှုန်းတို့ကို လေးစား လိုက်နာကြောင်း လက်တွေ့ပြသခြင်းသည်ပင် ထိရောက်သော
သံတမန်ရေး ပါဝါအပျော့ ဖြစ်သည်။ ပါဝါအပျော့၏ သဘောသဘာဝအရ ရုပ်ပိုင်းဆိုင်ရာ
မက်လုံးတို့ဖြင့် စည်းရုံးခြင်း မဟုတ်ဘဲ အများ တန်ဖိုးထားသည့် ကျင့်ဝတ်၊
စံနှုန်းတို့ဖြင့် ဆွဲဆောင်စည်းရုံးခြင်း ဖြစ်သည်။
လူအများ တန်ဖိုးထားသည့် စီးပွားရေးဆိုင်ရာ ကျင့်ဝတ်၊ စံနှုန်းတို့ကို လေးစားလိုက်နာမည် ဖြစ်ပြီး လိုက်နာရန် ပျက်ကွက်သော နိုင်ငံတကာရှိ တရုတ်ရင်းနှီးမြှုပ်နှံမှုများကို အရေးယူသွားမည် ဖြစ်ကြောင်း တရုတ်ဘက်က ပြောကြားဖူးသည်။ ယခင်နှစ် ဧပြီလအတွင်း တရုတ်နိုင်ငံသို့ နိုင်ငံရေးပါတီ ငါးပါတီကို ဖိတ်ခေါ်စဉ်က ယင်းသို့ ပြောကြားခဲ့ခြင်း ဖြစ်သည်။
စီးပွားရေးဆိုင်ရာ စာချုပ်စာတမ်းများတွင် ထည့်သွင်း ချုပ်ဆိုထားသော သဘောတူညီချက်များ ကို ဖောက်ဖျက်ခြင်းနှင့် စီမံကိန်းကြောင့် ဒေသခံများကို လူမှုစီးပွားရေးဆိုင်ရာ ထိခိုက်မှုများ ရှိပါက မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ၏ နိုင်ငံရေးနှင့် စီးပွားရေးဆိုင်ရာ သံမှူးများ မှတစ်ဆင့် ကွန်မြူနစ်ပါတီသို့ တိုင်ကြားနိုင်သည်ဟု တရုတ်ကွန်မြူနစ်ပါတီ ပေါလစ်ဗျူရို အဖွဲ့ဝင်
များက အကြံပြုကြောင်း ရှမ်းတိုင်းရင်းသားများ ဒီမိုကရက်တစ်ပါတီ တွဲဖက်ဘဏ္ဍာရေးမှူး ဦးစောသန်းမြင့်က ပြောကြားဖူးသည်။ သို့သော် လက်ရှိအချိန်အထိ တရုတ်အစိုးရအနေနှင့် တရုတ်ရင်းနှီးမြှုပ်နှံမှုတို့ကို ခေါ်ယူစစ်ဆေး သတိပေးခြင်းမျိုး မတွေ့ရသေးပေ။
ပါဝါအပျော့မှာ ဆွဲဆောင် သိမ်းသွင်းနိုင်သော စွမ်းရည်ဖြစ်သည်။ ပါဝါအမာမှာ နိုင်ငံတစ်နိုင်
ငံ၏ စစ်အင်အား၊ စီးပွားရေး အင်အားတို့ကို သုံးလျက် အတင်းအကျပ် ဖိအားပေး လုပ်ဆောင်
စေနိုင်သော စွမ်းရည်ဖြစ်သည်။
ပါဝါအပျော့မှာ နိုင်ငံတစ်နိုင်ငံ၏ ယဉ်ကျေးမှု၊ နိုင်ငံရေး အတွေးအခေါ်နှင့် မူဝါဒတို့ဖြင့် ဆွဲဆောင်ခြင်းဖြင့် ပေါ်ပေါက်လာကြောင်း ဟားဗတ်ကနေဒီကျောင်း ဟားဗတ်တက္ကသိုလ်
ဂုဏ်ထူးဆောင် ပါမောက္ခ ဂျိုးဇက်ညေးက သူရေးသားသော Soft Power: The Means to
Success in World Politics စာအုပ်တွင် ရေးသားဖူးသည်။ ပူးပေါင်း ဆောင်ရွက်မှုကို
အားပြုသော ပါဝါအပျော့မှာ အမိန့်ပေးမှုကို အားပြုသော ပါဝါအမာကဲ့သို့ပင် အရေးပါသည်။
နိုင်ငံတစ်နိုင်ငံအနေနှင့် အခြားသူများ၏ အမြင်တွင် ၎င်း၏ ပါဝါမှာ တရားနည်းလမ်းကျသည်ဟု ရှုမြင်အောင် လုပ်နိုင်လျှင် ၎င်း၏ အလိုဆန္ဒများကို ဆောင်ကြဉ်းရာတွင် အခုအခံ အနည်းအကျဉ်း
သာ ကြုံရလိမ့်မည်။ ယင်းနိုင်ငံ၏ ယဉ်ကျေးမှုနှင့် အိုင်ဒီအိုလော်ဂျီတို့က ဆွဲဆောင်မှု ရှိပါက အခြားသော နိုင်ငံများလည်း သူ့ဆန္ဒအလျောက် လိုက်နာကျင့်သုံးပေလိမ့်မည်။
တရုတ်တို့အနေနှင့် မြန်မာလူထု၏ ဦးနှောက်နှင့် အသည်းနှလုံးကို သိမ်းသွင်း စည်းရုံးလိုပါက မင်းသားစွန်းဝူခုန်းမှာ ထိရောက်သော သံတမန်ရေး ပါဝါအပျော့ မဟုတ်ပါ။
ဂျိုးဇက်ညေးကတော့ အောက်ပါအတိုင်း သုံးသပ်ထားသည်။
“တခြားသူတွေပါ လေးစားလက်ခံနိုင်တဲ့ မူဝါဒမျိုးကို နိုင်ငံတစ်နိုင်ငံက ကျင့်သုံးရင် အဲဒီမူဝါဒကို တခြားနိုင်ငံတွေကပါ လိုလိုလားလား လက်ခံလာတဲ့အတွက် နိုင်ငံတကာ နှုန်းစံတွေ ဖြစ်လာ မယ်။ နိုင်ငံတကာ ဆက်ဆံရေးမှာလည်း အသာစီးရလာမယ်”
သူ့အဆိုအရ ဆိုလျှင် နိုင်ငံတကာ ကျင့်ဝတ်၊ စံနှုန်းတို့ကို လေးစားလိုက်နာခြင်းသည်သာ အမှန်
တကယ် ထိရောက်မည့် ပါဝါအပျော့ ဖြစ်ပါကြောင်း။
ဉာဏ်မျိုးအောင်
ယခုစည်တော်မှာ
ဘုရားရင်ပြင်တော်မှ စည်တော် ဖြစ်သော်လည်း ရန်ပယ်ချောင်းနှင့် ဆက်စပ်နေသော
သိကြားမင်း ဆက်သသည့် အတုလ စည်တော်ကို သတိရစေပါသည်။ ပန်ထွာဘုရင်မ လက်ထက်က
ရန်သူများ လာရောက် တိုက်ခိုက်လျှင် ယင်းအတုလ စည်တော်ကိုသာ တီးလိုက်ပါက
ရန်ပယ်ချောင်းမှာ ချောင်းရေကြီးလာပြီး ရန်သူတို့ အလွယ်တကူ
မဝင်ရောက်နိုင်တော့ဟု ဖတ်ရပါသည်။ သမိုင်း အစစ်အမှန် ဟုတ်ကောင်းမှ
ဟုတ်နိုင်သော်လည်း ဝတ္ထုသဖွယ် ဖတ်လို့တော့ ကောင်းသည်သာ။
အညာသား
တစ်ယောက်ဖြစ်သော ကျွန်တော်မှာ အညာသားတစ်ယော က်ဖြစ်သော သူ့အကြောင်းကို
ငယ်ငယ်ကပင် စိတ်ဝင်စားခဲ့ပါသည်။ သို့နှင့် သူ့အကြောင်း ရေးထားသော
စာအုပ်တွေကိုလည်း တခုတ်တရ ရှာဖတ်ခဲ့ရသည်။ တစ်ခါတစ်ရံ မုန့်ဖိုး ပဲဖိုးစုကာ
ဝယ်ဖတ်ရသည်။ သူ့အစ်ကို ရေးထားသော သူတို့ မိသားစုအကြောင်း ဖတ်ရတော့ သူတို့အိမ်ကို သွားကြည့်ချင်မိသည်။ သို့သော် ကျွန်တော့်ဇာတိ ရေနံချောင်းနှင့်
နီးလျက်နှင့် မရောက်ဖြစ်ခဲ့ပါ။
အိမ်အောက်ထပ်ကို
လှည့်ပတ် ကြည့်ပြီးနောက် အိမ်ပေါ်ထပ်သို့ တက်လာခဲ့သည်။ အိမ်ဦးတွင် အဝတ်နီ
တပ်ထားသော ပက်လက်ကုလားထိုင် တစ်လုံးက ဆီးကြိုနေသည်။ အညာ သားလေး စာဖတ်သည့
်နေရာဟု ဆို သည်။ စာဖတ်တာနှင့် ပတ်သက်လို့ အညာသားလေးကို လေးစားအားကျခဲ့ ရတာ
ရှိသည်။ တက္ကသိုလ် ကျောင်း သားဘဝက ကြမ်းပိုး သောင်း ကျန်းလှသော သူ့အခန်းတွင်
အခန်း အလုံပိတ်ကာ အင်္ဂလိပ်စာကို အသံထွက်လျက် လေ့ကျင့်ခဲ့ကြောင်း၊ ထောင်ကျ
နေစဉ်ကာလမှာပင် ထိုစဉ်က ပညာတတ် နိုင်ငံရေးသမား ဒေါက်တာဘမော်၏ အင်္ဂလိပ်
အသံထွက်ဟန်ကို နှုတ်ခမ်းအကျ အနကအစ တုပလေ့ကျင့်ခဲ့ကြောင်း ဖတ်ရတော့ အင်္ဂလိပ်စာ
လေ့ကျင့်ရေးအတွက် ခွန်အား ဖြစ်ခဲ့ရ ဖူးသည်။
လွန်ခဲ့သော
သုံးနှစ်ခန့်က ရွာတစ်ရွာတွင် ရွာသားတွေ နားစွင့် နားထောင်ရသော
အသံချဲ့စက်သံ သုံးသံရှိသည်။ တစ်သံ မှာ ကျေးရွာတွင်းရှိ
လုပ်သားပြည်သူ အပေါင်းတို့ခင်ဗျား ဆိုသော ပဏာမပျိုး
နိုင်ငံရေးပါတီများက
ကော်မတီ၊ ကွန်ရက် ကဲ့သို့သောအဖွဲ့များ ဖွဲ့စည်းပြီး နိုင်ငံတကာ
အထောက်အပံ့များ ရယူကာ ပညာရေး၊ ကျန်းမာရေးတို့တွင် သုံးစွဲနေမှုမှာ
လုပ်ဆောင်ရန် သင့်၊ မသင့် အကြံပြုစေလိုကြော င်း ပြည်ထောင်စု ရွေးကောက်ပွဲ
ကော်မရှင်ဥက္ကဋ္ဌ ဦးတင်အေးက ဇွန်လ ၁၀ ရက်နေ့တွင် နိုင်ငံရေးပါတီများ ထံ
စာပေးပို့ခဲ့သည်။ နိုင်ငံရေးပါတီများ အနေနှင့် အကြံပြုချက်များကို ဇွန်လ
၂၁ရက်နေ့ နောက်ဆုံးထား ပြီး ပေးပို့စေလိုကြောင်းလည်း ယင်းစာတွင်
ဖော်ပြထားသည်။
မြန်မာနိုင်ငံတွင်
ပထမဆုံး အကြိမ် အဖြစ် ဒီဇင်ဘာလ ၅ရက်နှင့် ၆ရက်နေ့တို့က ဆီဒိုးနားဟိုတယ်တွင် ကျင်းပပြုလုပ်သော အာဆီယံ ခေါင်းဆောင်မှု ၁၀၀ ဖိုရမ်တွင်
“မြန်မာနိုင်ငံအတွက် စိန်ခေါ်မှုများနှင့်အခွင့် အလမ်းများ” ခေါင်းစဉ်ဖြင့်
တက်ရောက် ပြော ကြားခဲ့သော မြန်မာနိုင်ငံတော်ဒုတိယသမ္မ တ ဒေါက်တာစိုင်းမောက်ခမ်း၏ ပြောကြား ချက် များမှ ကောက်နုတ် ဖော်ပြအပ်ပါသည်။ 
အာဆီယံခေါင်းဆောင်မှု
၁၀၀ ဖိုရမ်တွင် “အခက်အခဲများ