လွတ်လပ်မှု သဘောတရားနှစ်မျိုး

Written by ဥာဏ်မျိုးအောင်

လွတ်လပ်မှုဆိုတဲ့ စကားလုံးကို ဗမာနိုင်ငံမှာ လွယ်လွယ်ပေါ့ပေါ့ သုံးကြတယ်။ 
အကောင်းမြင်ဘက်က ယူသုံးသူတွေကလဲ လွတ်လပ်မှုဆိုတာကို လေးလေးနက်နက် 
စဉ်းစားသူ ရှားတာကို တွေ့ရတယ်။ အဆိုးမြင်ဘက်က ယူသုံးသူတွေကတော့ 
လွတ်လပ်မှုဆိုတာကို ကျင့်ဝတ်သိက္ခာ မရှိဘဲ ပရမ်းပတာနေတာ၊ မင်းမဲ့စရိုက်ဆန်
ဆန်နေတာလို့ မှတ်ယူသူတွေ များပါ တယ်။ (ဒီနေရာမှာ မင့်းမဲ့ဝါဒ-Anarchy
ဆိုတာကိုပဲ စစ်အာဏာရှင်ရဲ့ ၀ါဒမှိုင်းလုံးတွေအောက် မြှုပ်ခဲ့ရတဲ့ လူ့အဖွဲ့အစည်းဟာ  
ရေရေလည်လည် နားမလည်ပဲ ပြောဆိုနေတာကို တွေ့ရတယ်။ တကယ်တော့ 
မင်းမဲ့ဝါဒဟာ ဘာသာရပ်ဆိုင်ရာအရ အလေးအနက်ထား လေ့လာဆွေးနွေးရမယ့် 
အကြောင်းအရာတစ်ခု ဖြစ်ပါတယ်။) ကျွန်တော် ဆွေးနွေးချင်တာက လူ့အဖွဲ့အစည်း
တစ်ခုမှာ လွတ်လပ်မှုကို ဘယ်အတိုင်းအတာထိ ခွင့်ပြုသင့်သလဲ ဆိုတာပါပဲ။ 
 

လွတ်လပ်မှုရဲ့ အတိုင်းအဆဆိုတာ အမှန်တကယ်တော့ လွတ်လပ်မှုကို ဘယ်လို

အခြေအနေမျိုးမှာ ကန့်သတ်သင့်သလဲ ဆွေးနွေးတာပါပဲ။ ဒီတော့ ပထမဆုံး ယေဘုယျ 

ပြောထားချင်တာက လွတ်လပ်မှုဆိုတာမှာ နိုင်ငံသားအခွင့်အရေးတွေ ဖြစ်တဲ့ လွတ်လပ်စွာ 

ဖော်ထုတ်ပြောဆိုတာ၊ လွတ်လပ်စွာ အသင်းအပင်းဖွဲ့တာ၊ လွတ်လပ်စွာ ကိုးကွယ်ယုံကြည်တာ 

စတာတွေ ပါပါတယ်။ ဒီလွတ်လပ်ခွင့်တွေနဲ့ ပတ်သက်လို့ ဘယ်လိုအခြေအနေမျိုးမှာ 

ကန့်သတ်သင့်သလဲ ဆိုတာကို ပထမဆုံး Offense Principleရဲ့ အယူအဆအရ 

ဆွေးနွေးချင်ပါတယ်။ ဒီသဘောတရားအရ လူတစ်ယောက် ဒါမှမဟုတ် လူတစ်စုက 

တစ်ခြားလူတစ်ယောက်၊ တစ်ခြားလူတစ်စုရဲ့ ဂုဏ်သိက္ခာကို ထိခိုက်အောင် 

စော်ကားမော်ကား ပြောဆိုတာ မျိုး မလုပ်သရွေ့ လွတ်လပ်ခွင့်ကို ကျင့်သုံးခွင့်ပေး

သင့်တယ်လို့  ဆိုပါတယ်။ ဒီလိုစော်ကားမော်ကား ပြောဆိုတာမျိုး လုပ်လာရင်တော့ 

အစိုးရက  ကြားဝင်ပြီး တရားဥပဒေအရ အပြစ်ပေးသင့်တယ်လို့ ယူဆကြပါတယ်။

ဗမာနိုင်ငံမှာတော့ Offense Principleရဲ့ သဘောတရားအရ တွေးခေါ်ပြောဆိုကြတာကို 

ပိုအတွေ့အရ များပါတယ်။ ဥပမာ ပြောရမယ်ဆိုရင် ဦးဝီရသူရဲ့ လူမျိုးရေးခွဲခြား ပြောဆိုတဲ့ 

တရားပွဲတွေကို အစိုးရက ဘာကြောင့် ခွင့်ပြုထားသလဲ။ ဒီ တရားပွဲတွေကို ဘာကြောင့် 

မပိတ်တာလဲ။ ဦးဝီရသူကို ဘာကြောင့် အရေးမယူတာလဲ စသဖြင့် ဝေဖန်ကြတယ်။ ဒါ့အပြင် 

အမျိုး၊ ဘာသာ၊ သာသနာ(မဘသ) အဖွဲ့က ဘုန်းကြီးတွေက “ငါးရံ့လို သားပေါက်မြန်တဲ့ လူမျိုး”

စသဖြင့် မူဆလင်တွေကို လူမျိုးရေးဆန်ဆန် ခွဲခြားရေးသားထားတဲ့ ဆိုင်းဘုတ်တွေကိုင် 

ဆန္ဒဖော်ထုတ်တော့လဲ သတင်းစာဆရာတွေက အစိုးရက ဘာအရေးယူမှုမှ မလုပ်ဘူးလား၊ 

ဒီဘုန်းကြီးတွေကို ရည်ရွယ်ချက်ရှိရှိ လွှတ်ပေးထားတာလားလို့ ဝေဖန်တာတွေကို ဖတ်ရပါတယ်။ 

ဒါတွေဟာ Offense Principleပေါ် အခြေခံပြီး တွေးခေါ်ပြောဆိုနေတာ ဖြစ်ပါတယ်။ 

လွတ်လပ်မှုရဲ့ အတိုင်းအဆနဲ့ ပတ်သက်လို့ နောက်ထပ် အယူအဆတစ်ခုကတော့ 

Harm Principleပါ။ ဒီသဘောတရား အရ လူတစ်ယောက် ဒါမှမဟုတ် လူတစ်စုက 

တစ်ခြားလူတစ်ယောက်ရဲ့ ခန္ဓာကိုယ်ကို ထိခိုက်နာကျင်အောင် လုပ်တာမျိုး၊ တခြားလူ

တစ်ယောက်ရဲ့ အသက်ကို သတ်ဖြတ်တာမျိုး မလုပ်သရွေ့တော့ လွတ်လပ်ခွင့်တွေကို 

ကျင့်သုံးလို့ ရပါတယ်။ ဒီ သဘောတရားအရဆိုရင် ဦးဝီရသူတို့လို လူမျိုးရေးဆန်ဆန် 

ပြောဆိုစည်းရုံးတာတွေကိုလဲ ခွင့်ပြုထားသင့်တယ်၊ သူတို့တွေက တခြားလူ တစ်ယောက်

ယောက်ကို ကိုယ်ထိလက်ရောက် ကျူးလွန်တာမျိုး မလုပ်သရွေ့ ပိတ်ပင်တာမျိုး အရေးယူ

တာမျိုး မလုပ်သင့်ဘူးလို့ ယူဆနိုင်ပါတယ်။ အဲသလို မဟုတ်ဘဲ လူတစ်ယောက်ယောက်ကို 

ထိခိုက်နာကျင်အောင် အသက်ဆုံး ပါးအောင် လုပ်ပြီဆိုရင်တော့ အစိုးရက ကြားဝင်ပြီး 

တရားဥပဒေအရ အပြစ်ပေးသင့်တယ်လို့ ဆိုပါတယ်။ 

ဒီတော့ အထက်က သဘောတရားနှစ်မျိုးထဲက တစ်မျိုးကို ရွေးပါဆိုရင်တော့ ကျွန်တော်

ကတော့ Harm Principleကိုပဲ ရွေးချင်ပါတယ်။ ဒီလိုရွေးချယ်တာက လူမျိုးရေးခွဲခြား

ဆက်ဆံသူတွေ မဘသအဖွဲ့တွေ ဦးဝီရသူတို့လို ဘုန်းကြီးတွေကို ထောက်ခံလို့ မဟုတ်ပါဘူး။ 

Harm Principleကို ရွေးချယ်ရတဲ့ အကြောင်းရင်းတွေအနက်က နံပါတ်(၁) အချက်ကတော့ 

Offense Principleမှာ အားနည်းချက်ရှိနေပါတယ်။ တခြားလူတစ်ယောက်ကို စော်ကား

မော်ကား ပြောဆိုတယ်ဆိုတာ ဘယ်လိုမျိုးလဲဆိုတာ တိတိကျကျ အဓိပ္ပါယ် သတ်မှတ်ဖို့၊ 

ရှင်းလင်းဖွင့်ဆိုဖို့ ခက်ခဲပါတယ်။ လူငယ်တစ်ယောက်က တခြား လူငယ်တစ်ယောက်ကို “သားကြီး၊ ယောက်ဖ”လို့ ခေါ်ဝေါ်သုံးစွဲပုံကိုပဲ စဉ်စားကြည့်ပါ။ ခေါ်သူဘက်ကတော့ 

ရင်းနှီးတဲ့ သူငယ်ချင်းတစ်ယောက်လို မှတ်ယူခေါ်ဝေါ်တာ ဖြစ်နိုင်သလို အခေါ်ခံရသူ

ဘက်ကျတော့ ဒီလိုခေါ်ဝေါ်ပြောဆိုတာဟာ သူ့ ကို စော်ကားတာပဲလို့ မှတ်ယူနိုင်စရာ 

ရှိပါတယ်။ 

ဒီတော့ Offense Principleပေါ် အခြေခံပြီးတော့ ဥပဒေတစ်ခု ပြဌာန်းတော့မယ်ဆိုရင် 

ဥပဒေပါ စကားရပ်တွေရဲ့ အဓိပ္ပါယ်မှာကိုပဲ မတိကျမှုတွေ၊ မရေရာမှုတွေ ရှိနိုင်ပါတယ်။ 

ဒီလိုဥပဒေကို အကောင်အထည်ဖော်ဖို့လဲ အင်မတန် ခက်ခဲတဲ့အတွက် ဥပဒေပြုထားတာထက်၊ 

ဥပဒေမပြုထားတာက ပိုကောင်းပါတယ် ။ ပိုအန္တရာယ်ရှိတာက မရေရာ၊ မတိကျတဲ့ ဥပဒေပါ 

စကားရပ်တွေကို ကိုယ်လိုရာ ဆွဲဆန့်အဓိပ္ပါယ် ဖွင့်ဆိုပြီးတော့ အစိုးရက လူထုကို 

ဖိနှိပ်လာစရာ ရှိပါတယ်။ ဥပမာ- နိုင်ငံတော် အကြည်ညိုပျက်စေမှုလိုမျိုးပေါ့။ ဒီဥပဒေမှာ 

ရေရာတိကျတဲ့ ဖွင့်ဆိုမှု မရှိတဲ့အတွက် နိုင်ငံတော်အလံကို မျက်စောင်း ထိုးရင်တောင်

 နိုင်ငံတော် အကြည်ညိုပျက်စေမှုလို့ လိုရာဆွဲဆန့် အရေးယူနိုင်ပါတယ်။ ဒါက 

ပထမတစ်ချက်ပါ။

Harm Principleကို ထောက်ခံရတဲ့ ဒုတိယအချက်က လူတွေရဲ့ ဆင်ခြင်တုံတရားကို  

ယုံကြည်လို့ပါပဲ။ Offense Principle ကို လက်ခံသူတွေမှာ လူမျိုးရေးခွဲခြားမှုလိုမျိုး 

ဟောပြောစည်းရုံးမှုတွေကနေ လူအုပ်စုလိုက် အကြမ်းဖက်မှုတွေ၊ ပဋိပက္ခ တွေ 

ပေါ်လာမှာကို စိုးရိမ်နေတဲ့ အတွေးအခေါ်မျိုးတွေ ရှိပါတယ်။ ဒီနေရာမှာ Offense 

Principleသမားတွေကို မေးခွန်း ထုတ်စရာ ရှိတာက လူတွေက “သူများ ပြောတိုင်း 

ကိုယ့်ရဲ့စဉ်းစားဆင်ခြင်ဥာဏ် မပါဘဲ ယုံတတ်တဲ့” သူငယ်နှပ်စားလေး တွေလား။ 

လူမျိုးရေးခွဲခြားသူတစ်ယောက်က မိုက်ခရိုဖုန်းကိုင်ပြီး စင်မြင့်ပေါ်ကနေ “မူဆလင်တွေကို 

သတ်ကြဟေ့”လို့ ဆော်သြတာနဲ့ ခိုင်းတိုင်းလုပ်တတ်တဲ့ ကလေးပေါက်စတွေလားဆိုတာ 

မေးစရာရှိပါတယ်။ ကျွန်တော်ကတော့ လူတွေမှာ စဉ်းစားဆင်ခြင်ဥာဏ် ရှိတယ်လို့  

ယုံကြည်တယ်။ စဉ်းစားဆင်ခြင်ဥာဏ်ဆိုတာ ပညာတတ်မှ မဟုတ်ပါဘူး။ လူသားရဲ့ 

ပင်ကိုဗီဇကိုက ကိုယ့်ရဲ့အကျိုးစီးပွားကို အခြေခံပြီးတော့ ဆင်ခြင်တွက်ချက်ပြီး (Rational 

Calculation)လုပ်ကိုင်တတ်ပါ တယ်။ ရေနံချောင်းမြို့ တရားပွဲတစ်ခုမှာ ဦးဝီရသူက 

ကုလသမဂ္ဂက လူ့အခွင့်အရေးဆိုင်ရာ အမျိုးသမီးကို အောက်တန်း ကျကျ ဆဲဆို

ပြောဆိုတာတွေ လုပ်တော့ ရေနံချောင်းမြို့ခံတွေက လက်မခံပါဘူး၊ သံပုံးတီးပြီးတော့ 

ဘုန်းကြီးဝီရသူကို နှင် ထုတ်လိုက်ပါတယ်။ ဒါဟာ လူတွေရဲ့ ဆင်ခြင်ဥာဏ်ကို 

သက်သေထူတဲ့ အချက်တစ်ချက်ပါ။ ဒီတော့ အစိုးရက အမိအဘ နေရာယူပြီးတော့ 

လူတွေကို ဘယ်လို စကားမျိုးပဲ ပြောသင့်တယ်၊ ဘာကိုပဲ ယုံကြည်သင့်တယ်လို့ 

လူအဖွဲ့အစည်းကို ကလေးလို ထိန်းကျောင်းပေးစရာ မလိုအပ်ဘူးလို့ မြင်ပါတယ်။ 

နောက်ဆုံးတစ်ချက်က Harm Principleက Offense Principleထက် လူတွေရဲ့ 

လွတ်လပ်ခွင့်ကို ပိုပြီးတော့ အာမခံချက် ပေးနိုင်လို့ပါပဲ။ သူရဲ့ ဖွင့်ဆိုချက်အရ 

တစ်ခြားလူတစ်ယောက်ကို ကိုယ်ကာယ ထိခိုက်အောင်၊ အသက်ဆုံးပါးအောင် 

မလုပ်သရွေ့ လွတ်လပ်ခွင့်ကို အပြည့်အ၀ ကျင့်သုံးနိုင်ပါတယ်။ ဒါကို အခြေခံပြီးတော့ 

ဥပဒေတစ်ခုအဖြစ် ပြဌာန်းမယ်ဆိုရင်လဲ ဥပဒေပါ စကားရပ်တွေက တိကျမှု၊ ပြတ်သားမှု 

ရှိတဲ့အတွက် အကောင်အထည်ဖော်ရတာလဲ လွယ်ကူသလို အစိုးရကလဲ 

ကိုယ်လိုရာ ဆွဲဆန့်ပြီးတော့ အဓိပ္ပါယ်ဖွင့်လို့ မရတာကို တွေ့နိုင်ပါတယ်။ 

အချုပ်ပြောရမယ်ဆိုရင်တော့ လူ့အဖွဲ့အစည်းရဲ့ လွတ်လပ်ခွင့်အတွက် ရေရှည်

အနာဂတ် အကျိုးကို မျှော်ကိုးပြီးတော့ Harm Principleကို ရွေးချယ်ရပါကြောင်း။        ။

Ref; Sayar Myat Ko Ko’s Lectures on Liberalism (Yangon School of Political Science)