Written by ဆွေသက်ဇော်
Scienceကို သိပ္ပံလုိ့ ဘာသာပြန်ထားကြတယ်။ ဒီလို ဘာသာပြန်ထားခြင်းကို
အပြည့်အ၀ မမှန်ဘူးလို့
ထောက်ပြသူတွေ ရှိ ပါတယ်။
အခု ကျွန်တော်
ဆွေးနွေးချင်တာ ဘာသာပြန်အငြင်းပွားတဲ့ ကိစ္စ မဟုတ်ပါဘူး။ အဲဒီအတွက်
Scienceကို သိပ္ပံလို့ ပဲ သုံးပြီး ဆွေးနွေးသွားပါမယ်။
သိပ္ပံဆိုတာ ဘာလဲလို့ မေးလိုက်ရင် ရူပဗေဒ၊ ဓာတုဗေဒ၊ ဇီဝဗေဒ
အစရှိတဲ့
သိပ္ပံလို့ ခေါင်းစဉ် တပ်ထားတဲ့ ဘာသာရပ်တွေ ကို လက်ညှိုးထိုး ပြကြပါလိမ့်မယ်။
မြန်မာစာကိုကော သိပ္ပံလို့ မခေါ်နိုင်ဘူးလား
မေးရင်တော့ ခေါင်းရမ်းပါလိမ့်မယ်။
တကယ်တော့ သိပ္ပံဆိုတာ
“ဘာ”ကို လေ့လာသလဲဆိုတာနဲ့ အဓိပ္ပါယ်
မဖွင့်ပါဘူး။
“ဘယ်လို”
စူးစမ်းလေ့လာ ချဉ်းကပ် သလဲဆိုတာနဲ့ အဓိပ္ပါယ်ဖွင့်ပါတယ်။ လိပ်ပြာ
လေးကိုပဲ လေ့လာ လေ့လာ၊ လူတွေရဲ့
စကားသံကိုပဲ လေ့လာ လေ့လာ
“သိပ္ပံနည်းကျ” ချဉ်းကပ်လေ့လာရင် သိပ္ပံလို့ပဲ သတ်မှတ်ပါတယ်။ မြန်မာပြည်က
စာသင်ကျောင်းတွေ၊ တက္ကသိုလ်တွေမှာလို “အလေ့လာခံ ဘာသာရပ်”ကို
ကြည့်ပြီး ဒါက ၀ိဇ္ဇာ၊ ဒါက သိပ္ပံရယ်လို့ ခွဲခြားမထားပါဘူး။ ဒါဆို သိပ္ပံနည်းကျ
ချဉ်းကပ် လေ့လာတယ်ဆိုတာ
ဘာလဲ။
သိပ္ပံနည်းကျ ချဉ်းကပ်လေ့လာဖို့ အဓိက အရေးပါလှတဲ့
“attitude”လေးခု
ရှိပါတယ်။
ပထမဆုံးကတော့ “curiosity” (သိ ချင်စိတ် ပြင်းပြခြင်း)ပါ။
လပြည့်ညဦးမှာ ၀ရန်တာရှေ့ထွက်ပြီး
တိမ်တွေကြားက တိုးထွက်နေတဲ့
လမင်းကြီးကို မော့ကြည့် ကြဖူးမယ် ထင်ပါတယ်။ တဖြည်းဖြည်းနဲ့ လမင်းကြီး
ဟာ ပိုပိုပြီး
အရွယ်အစား ကြီးလာတယ်လို့လည်း စိတ်ထဲမှာ ထင်နေပါ လိမ့်မယ်။
တိမ်တွေကြားက လုံးဝ ထိုးထွက်ပြီးသွားလို့
ကောင်းကင်ပြင်မှာ တစ်ကိုယ်တည်း
လွတ်လပ်သွားတဲ့ လမင်းကြီး ကို ဘယ်အချိန်
ပြန်ကြည့်ကြည့် အရွယ်အစား
အတူတူပဲလို့ စိတ်ထဲမှာ ထင်နေလိမ့်မယ်။
သာမန်လူဆိုရင်တော့ စိတ်ထဲမှာ
ထင်နေတဲ့ အဆင့်တင် ရပ်သွားပါပြီ။ သိပ္ပံနည်းကျ လေ့လာချင်တဲ့
သူတွေ
အတွက်ကတော့ အဲလောက်နဲ့ မကျေနပ်နိုင်ပါ ဘူး။ ဒီလမင်း တစ်စင်းထဲကပဲ
ဘာဖြစ်လို့ လူတွေရဲ့
စိတ်မှာ အရွယ်အစားအမျိုးမျိုးလို့
ထင်စေရတာလဲ။
ဘယ်လိုအကြော
င်းတွေကြောင့် လူတွေဟာ အခုလို မြင်နေရတာလဲ
အစရှိတဲ့ မဆုံးနိုင်တဲ့ မေးခွန်းတွေ ထုတ်ရင်း
လေ့လာပါတော့တယ်။
လမင်းကို
မော့ကြည့်သူတွေရဲ့ မျက်စိအာရုံခံလွှာမှာ လာထင်တဲ့ ပုံရိပ်တွေကို
တိုင်းကြည့်တော့
အရွယ်အစားက အတူတူ။ ဒါဆို
ဘယ်လို အကြောင်းတွေက
လွှမ်းမိုးထားလို့ အစရှိတဲ့ မရောင့်ရဲနိုင်တဲ့ သိချင်စိတ်ပြင်းပြမှုတွေနဲ့ “လမင်းမာယာ”
(the moon illusion)လို့ နာမည်ပေးပြီး ဖြေရှင်းနိုင်ဖုိ့
ကြိုးစားကြပါတယ်။
သိပ္ပံနည်းကျလေ့လာချင်သူတွေဟာ
သာမန်လူတွေက မှန်တယ်လို့
လွယ်လွယ်လေး လက်ခံထားတာကို မျက်စိမှိတ် မယုံ တတ်ပါဘူး။
သံသယတွေနဲ့ မေးခွန်းထုတ်တတ်ပါတယ် “skeptical”။
သိပ္ပံပညာ
ရပ်နယ်ပယ်က တစ်ခါက မှန်တယ်လို့ လက်ခံထားတဲ့ အချက်ကိုတောင်
သံသယနဲ့ မေးခွန်းထုတ်ကြပါတယ်။ IQ Testတွေ ခေတ်စားကာစက
အမေရိကမှာ “လူဖြူတွေက လူမည်းတွေထက် “ဗီဇ”အရကို
ဥာဏ်ရည်
ပိုမြင့်တယ်”ဆိုပြီး လူတော်တော်များများက လက်ခံထားခဲ့ကြတယ်။
ဒါကို အလွယ်တကူ လက်မခံခဲ့တဲ့ သံသယတွေနဲ့ မေးခွန်းထုတ်ရင်း
လေ့လာခဲ့ကြလို့ ဥာဏ်ရည်မြင့်တယ်ဆိုတာ ဗီဇတင်မကဘဲ ပတ်ဝန်းကျင်
ဆိုင်ရာ အကြောင်းတရားတွေရဲ့ လွှမ်းမိုးမှုကလဲ
အရေးပါတယ်ဆိုတာ
ဒီကနေ့ သိလာကြ တာပါ။ သိပ္ပံနည်းကျလေ့လာချင်သူဟာ
အယူအဆ
တွေကို အသစ်အသစ်သော ရှုထောင့်ကနေ မေးခွန်းထုတ်ပြီး ကြည့်
လေ့ရှိပါတယ်။
နောက်ထပ် အရေးကြီးတဲ့ attitudeကတော့
“objectivity” (ဓမ္မဓိဌာန်
ကျခြင်း)ပါ။ စူးစမ်းလေ့လာတဲ့ အရာအပေါ် ကိုယ့်ရဲ့
ပုဂ္ဂလိက ခံစားချက်တွေ၊
ထင်မြင်ချက်တွေနဲ့ ရမ်းမပြောပါဘူး။ သိပ္ပံနည်းကျ
ရှုကြည့်လေ့လာလို့
ရလာတဲ့အပေါ် အခြေခံပြီး တော့ပဲ အရှိကို အရှိအတိုင်း တင်ပြဖို့ ကြိုးစား
ပါတယ်။ အဲဒီအတွက် သိပ္ပံနည်းကျ လေ့လာဖို့ဆိုရင် သုတေသနဟာ မရှိ
မဖြစ် လိုအပ်လာပါတယ်။ “empirical methods”လို့ခေါ်တဲ့ လက်တွေ့
စမ်းသပ်လေ့လာခြင်းနည်းတွေကို
သုံးရပါတယ်။ လက်တွေ့စမ်းသပ်လေ့
လာခြင်းဆိုတာ လေ့လာမယ့်အရာကို အရှိကို အရှိအတိုင်း ရှုကြည့်ပါတယ်။
အဲလို ရှုကြည့်ပြီးသွား ရင် ယုတ္တိဗေဒကျကျ ဆင်ခြင်သုံးသပ် ကြည့်ရပါတယ်။
ဒီနည်းအားဖြင့် ဆန္ဒစွဲကင်းတဲ့ “အသိ”တွေ တိုးပွားလာပါတယ်။
နောက်ဆုံးပေမယ့်
အရေးကြီးတဲ့ attitudeကတော့ “critical thinking”ပါ။
Critical thinkingဆိုတာ ရှုကြည့်လေ့လာလို့
ရလာတဲ့ အသိတွေ၊ အချက်
အလက်တွေ၊ သက်သေအထောက်အထားတွေကို နက်နက်နဲနဲလည်း
တွေးတောကြည့်ပါ
တယ်။ အကျိုးဖြစ်ထွန်းအောင်လည်း တွေးတောကြည့်
ပါတယ်။ ပြန်လည် အကဲဖြတ် သုံးသပ်ခြင်းလည်း မည်ပါတယ်။
တစ်နည်း
အားဖြင့် “ငါ ဒါကို ဘယ်လို သိလာတာလဲ”ဆိုပြီး ကိုယ့်ကိုယ်ကို ပြန်မေးခြင်းပဲ။
ကျွန်တော်တို့တတွေဟာ
မကြာ ခဏဆိုသလိုပဲ အဆိုအမိန့်တွေကို ပြန်ကိုး
ကားလေ့ရှိပါတယ်။ အဲဒါကို
သိတယ်လို့ ထင်ကြတယ်။ အမှန်တယ်တော့
အဲဒီ လို ရရှိလာတဲ့ အချက်အလက်တွေ၊ အသိတွေကို ခွဲခြမ်းဆန်းစစ်ရမယ်၊
ချိတ်ဆက်စဉ်းစားရမယ်။ ဖွဲ့စည်းတည်ဆောက် ကြည့်ရမယ်၊ ဝေဖန်ကြည့်ရမယ်။
ဖန်တီးကြည့်ပြီး ကိုယ်တိုင် ပြန်သုံးသပ်ရမယ်။ ပြန်လည် ဆင်ခြင်တွေးတော
ရမယ်။ ဘယ် ပါမောက္ခကြီးက ဘယ်လို
ပြောတယ်ဆိုတဲ့ ပြန်လည်ကိုးကား
ဖော်ပြခြင်း အဆင့်တင်ဆို သိပ္ပံနည်းကျလေ့လာခြင်း
မမည်ပါ ဘူး။ Critical
thinkingဆိုတာ လွယ်ကူတဲ့ အဖြေတွေကို ပြန်လည်နေရာချထားခြင်း
မဟုတ်ပါဘူး။ ကိုယ်တိုင် ideaတွေနဲ့ စိတ်ပါဝင်စားစွာ ထိတွေ့ဆက်ဆံပြီး
နားလည်အောင် ကြိုးစားခြင်းပဲ။ ဒါကြောင့် Critical thinking ရှိချင်သူဟာ
စိတ်ကို ဖွင့်
ထားရမယ် (open-minded)။ အရာတစ်ခုကို မလေ့လာခင်
ကိုယ်ယုံကြည်ထားတာက တစ်မျိုး။ တကယ်
လက်တွေ့စမ်း သပ်လေ့လာလို့
သိလာရတာက ဆန့်ကျင်ဘက် ဖြစ်နေရင်လည်း အလေးထားတွေးတော
စဉ်းစားဖို့
စိတ်ကို ဖွင့်ထားရမယ် ။ ဥပမာ- ၁၉၉၁ ခုနှစ် မတိုင်ခင်က
လိင်စိတ်တိမ်းညွှတ်မှုဆိုတာ
(sexual orientation) ရွေးချယ်မှုသာ ဖြစ်တယ်။
တချို့ ဘာသာရေး အယူအဆ လွှမ်းမိုးခံရတဲ့သူတွေဆိုရင် လိင်တူကြိုက်ခြင်းဟာ
အကုသိုလ်လို့တောင် ယုံကြည်လက်ခံခဲ့ကြ တယ်။
အာရုံကြောဇီဝဗေဒ
ပညာရှင် Le Vay (1991)က လိင်စိတ်တိမ်းညွှတ်မှုမှာ အဓိကအခြေခံ
အကြောင်းတရားက
ဇီဝဗေဒနဲ့ ဆိုင်တယ်။ အဲဒီအချိန်က သူ တွေ့ခဲ့တာ
ကတော့ ဦးနှောက်မှာရှိတဲ့
hypothalamusက အာရုံကြောဆဲလ်အစု
လေးတွေပါ။ နောက်ပိုင်း ပညာရှင်တွေ တွေ့ထားတာလည်း ရှိပါသေးတယ်။
အဲဒီလို ကိုယ်အရင် ယုံကြည်လက်ခံထား
တာနဲ့ မတူကွဲပြားရင်တောင်
စိတ်ကိုဖွင့် နက်နက်နဲနဲ တွေးတောစဉ်းစားပြီး လက်ခံသင့်ရင်
လက်ခံပေးရမယ်။
အထက်မှာ ရေးခဲ့တာတွေကတော့ ထားရှိအပ်တဲ့
attitude “စံ”တွေပါ။
ဘယ်သိပ္ပံပညာရှင်မှ တစ်ချိန်တည်းမှာ ဒီစံလေးခုနဲ့
မပြည့်စုံနိုင်ပါဘူး။
ဒါပေမယ့်လည်း အဲဒီattitudeတွေကို ထားနိုင်သမျှ
ထားနိုင်အောင်
ကြိုးစားမှသာ သိပ္ပံနည်းကျလေ့လာ နိုင်မှာပါ။
၁။ အတူတကွ ပူးပေါင်းဆောင်ရွက်ခြင်း (Collaboration)
မေးခွန်းတစ်ခု၊ သိချင်တဲ့ အကြောင်းအရာတစ်ခုကို
ဖြေရှင်းနိုင်ဖို့ နယ်ပယ်အ
သီးသီးက သိပ္ပံပညာရှင်တွေက
အသည်း အသန် ကြိုးစားနေကြတယ် ဆိုပါစို့။
ပထမတော့ ဒါကိုကြည့်ပြီး
သိပ္ပံပညာရှင်တွေတော့ သူ့ထက်ငါ အဖြေရဖို့
ယှဉ်ပြိုင် နေကြပြီ ထင်စရာပဲ။
တကယ်တော့ သူတို့တတွေဟာ ပူးပေါင်းအ
လုပ်လုပ်နေကြတာပါ။ ပြဿနာတစ်ရပ်ကို
နယ်ပယ်တစ် ခု၊ ရှုထောင့်တစ်ခုကနေ
တင်ပြနိုင်ရုံနဲ့ အားလုံးခြုံငုံမိတဲ့ အသိကို
မရရှိသေးပါဘူး။ နယ်ပယ်ပေါင်းစုံက
ပညာရှင်တွေ တွေ့ ရှိထားတာကို ပေါင်းစည်းလိုက်မှသာ
အကြောင်းအရာ
တစ်ခုကို ခြုံငုံသိနိုင်တာပါ။ ဒါကြောင့် သိပ္ပံဆိုတာ အတူတကွ ပူးပေါင်း
ဆောင်ရွက်ခြင်းလို့ ပြောတာပါ။ ဒါ့အပြင် သိပ္ပံပညာရှင် အသိုင်းအ၀ိုင်းက
သဘောတူ
လက်မခံသေးသရွေ့ ဘယ် သိပ္ပံ တွေ့ရှိချက်မှ ကြီးမားတဲ့
အကျိုးသက်ရောက်မှုကို
မရရှိနိုင်ပါဘူး။
သိပ္ပံပညာရှင်တစ်ယောက်က
သုတေသနတွေ ပြုလုပ်ထားမယ်။ သူ့တွေ့
ရှိချက်တွေ သိပ္ပံပညာရပ်ဆိုင်ရာ ဂျာနယ်တွေက နေ
ဖော်ပြစေချင်တယ်။
အဲဒီလို ဖော်ပြနိုင်ဖို့ “peer review”အဆင့်ကို ဖြတ်သန်းရတယ်။ “peer
review”ဆိုတာ
ပုံနှိပ်ဖော် ပြမယ့် သိပ္ပံဆိုင်ရာ တွေ့ရှိချက်၊ ရေးသားချက်
တွေကို
ဖော်ပြမယ့် အကြောင်းအရာနဲ့ဆိုင်တဲ့ နယ်ပယ်က “အမည်မသိရတဲ့”
ကျွမ်းကျင်ပညာရှင်များစွာကနေပြီး အကဲဖြတ်သုံးသပ်ကြပါတယ်။ ဘာလို့
“အမည်မသိရတဲ့” ကျွမ်းကျင်ပညာရှင်တွေ အကဲဖြတ်တာလဲဆိုရင် ဖော်ပြမယ့်
အကြောင်းအရာကို ရေးသားသူနဲ့ တစ်စုံတစ်ရာ ပတ်သက်မှုရှိရင် ဘက်လိုက်မှု
ရှိမှာ စိုးရိမ်လို့ပါ။ အဲဒီပညာရှင်တွေကနေပြီး သုတေသနပြုလုပ်ထားတဲ့
နည်းလမ်းတွေ ကောင်းမွန်ခြင်း၊
အယူအဆရေးရာ ရှင်း လင်းပြတ်သားမှုရှိခြင်း၊
ဖော်ပြမယ့် အရာရဲ့ အရေးပါမှု အစရှိတာတွေကို အကဲဖြတ် သုံးသပ်လို့
ထောက်ခံပါမှ
ဖော်ပြခွင့် ရပါတယ်။
တက္ကသိုလ် အသိုင်းအ၀ိုင်းမှာဆိုရင်တော့
လေ့လာတွေ့ရှိချက်တွေကို လုပ်ဖော်
ကိုင်ဖက်တွေကြား ဝေမျှကြတယ်။
ငြင်းခုန် ကြ ဆွေးနွေးဝေဖန်ကြတယ်။ ဒီနည်း
အားဖြင့် ပညာရပ်ဆိုင်ရာ
တွေ့ရှိချက်တွေဟာ အရည်အသွေး ပိုမိုခိုင်မာလာတယ်။
တစ်ဦးတစ်ယောက်ရဲ့ ထင်မြင်ယူဆချက် အဆင့်တင် မဟုတ်တော့ဘူး။
ပညာရှင်
အသိုင်းအ၀ိုင်းက အကဲဖြတ်သုံးသပ်လို့ ပေါ်ထွက်လာတဲ့ ယုံကြည်လောက်တဲ့
အသိတစ်ရပ် ဖြစ်လာတယ်။ သိပ္ပံပညာနယ်ပယ်မှာ ပူးပေါင်းဆောင်ရွက်ခြင်းဟာ
အရေးပါတယ်လို့
တော်တော်များများ သတိထားမိလာတာတစ်ခုကတော့
“Meta-analysis”ပါ။ “Meta-analysis”ဆိုတာ
သုတေသနပညာရှင်များစွာက
မတူညီတဲ့ လေ့လာမှုမြောက်များစွာကနေ အသီးသီးရရှိလာတဲ့ ရလဒ်တွေကို
ပေါင်းစည်း လိုက်တဲ့ နည်းလမ်းပါ။ ဒီနည်းလမ်းကို သုံးပြီး ရလဒ်တွေက
ဖော်ညွှန်းတဲ့ အကျိုးတရားတစ်ခုရဲ့
အရည်အသွေး ခိုင်မာမှုကို တည်ဆောက်
ယူဖို့ပါ။ ရှည်နေမှာစိုး၍ ဥပမာ မပေးတော့ပါ။ ဒီအကြောင်းအရာကို ဒီလောက်ပဲ
ဆွေးနွေးလိုပါတယ်။
၂။ သိပ္ပံနည်းကျ ချဉ်းကပ်ခြင်း အဆင့်ငါးဆင့်
သိပ္ပံနည်းကျ ချဉ်းကပ်ခြင်း အဆင့်တွေအကြောင်း
မဆွေးနွေးခင် ကျွန်တော်တို့
ရေရေရာရာမသိဘဲ လွယ်လွယ်လေး သုံး နေတဲ့ “theory”ဆိုတဲ့ ဝေါဟာရကို
နည်းနည်းလေး ပြောကြည့်ပါမယ်။ သီးအရီ ဆိုတာ အရှိကို အရှိအတိုင်း ရှုကြည့်လို့
တွေ့ရှိထားချက်တွေကို
ရှင်းပြနိုင်အောင် ကြိုးစားတဲ့ နီးကပ်ဆက်နွှယ်နေတဲ့
အိုင်ဒီးယ (idea)အစုအဝေးတစ်ခု ဒါမှမဟုတ် ကျယ်ပြန့်လှတဲ့
အိုင်ဒီးယတစ်ခု
ဖြစ်ပါတယ်။ သီးအရီတေါက တချို့အရာတွေဟာ
ဘာကြောင့် ဒီလိုဖြစ်တယ်ဆိုတာ
ရှင်းပြ ဖို့ ကြိုးစားတယ်။ အနာဂတ်မှာ ရှုကြည့်လေ့လာခြင်း ပြုဖို့အတွက်
သီးအရီတွေကို သုံးပြီး ကြိုတင်ခန့်မှန်းမှုတွေ ပြုနိုင်တယ်။ သုတေသနတွေ
ပြုကြ
တယ်။ စောင့်ကြည့်လေ့လာကြတယ်။ အဲဒီလို
ရှုကြည့်လေ့လာလို့ စုဆောင်း
ရရှိလာတဲ့ အချက် အလက်တွေကို “data”လို့ ခေါ်ပါတယ်။ “ဒေးတ”ဆိုတာ
သူချည်းသက်သက်ဆို ဘာအဓိပ္ပါယ်မှ
မရှိပါဘူး။ အဲဒီ ဒေးတတွေ ကို စုစည်း
ပေးမယ့် အဓိပ္ပါယ်ဖော်ဆောင်ပြီး နားလည်အောင် ကူညီပေးနိုင်မယ့်
သီးအရီ
အခြေခံ ရှိမှသာ ရရှိလာတဲ့ ဒေးတ တွေဟာ အဓိပ္ပါယ်ရှိလာတာပါ။
ဒါ့အပြင်
အစမ်းသပ်ခံနိင်တဲ့ ကောင်းမွန်တဲ့ သီးအရီတွေဟာ ရှင်းပြနိုင်ရုံတင်မက စိတ်ဝင်
စားဖွယ် သုတေသနမေးခွန်းတွေကိုလည်း ထပ်ဆင့်ပေါ်ပေါက်စေပါတယ်။
အဲဒီအခါ သုတေသနတွေ ထပ်ပြုလုပ်ကြတယ်။ သုတေသနအဖြေတွေဟာ
သီးအရီကို ထောက်ခံချင် ထောက်ခံမယ်။ မထောက်ခံဘူးဆိုရင် သီးအရီကို
ပြန်လည်သုံးသပ်ဖို့ လိုလာပါပြီ။ ဒါကြောင့်မို့လည်း သိပ္ပံပညာရှင်တွေဟာ
ဘယ်သီးအရီကိုမှ လုံးဝ တိကျတယ်၊ အမြဲတမ်း မှန်တယ်ရယ်လို့ သတ်မှတ်
မထားပါဘူး။ ကမ္ဘာလောကကြီး ဘယ်လို အလုပ်လုပ်နေတယ်ဆိုတာနဲ့
ပတ်သက်ပြီး အိုင်ဒီးယတွေ ထုတ်ပေး နိုင်စွမ်းရှိမှု၊ အရေးကြီးတဲ့
အဖြစ်အပျက်တွေ၊ အပြုအမှုတွေကို
ကြိုတင်ခန့်မှန်းနိုင်စွမ်းရှိမှု စတာတွေနဲ့
သီးအရီတွေကို အကဲဖြတ်ကြပါတယ်။ လုံးဝ ဥဿုံမှန်ကန်ခြင်းဆိုတဲ့
ပေတံနဲ့ မတိုင်းပါဘူး။
သီးအရီတွေရဲ့ အကြောင်း အနည်းငယ် ဆွေးနွေးပြီးသွားတော့ သိပ္ပံနည်းကျ
ချဉ်းကပ်လေ့လာခြင်းထဲက ပထမအဆင့်ဖြစ်
တဲ့ “observing some
phenomenon” (ဖြစ်ရပ်အချို့ကို ရှုကြည့်လေ့လာခြင်း)ကို ဆွေးနွေးကြည့်ပါမယ်။
သိပ္ပံနည်းကျ စူး စမ်းလေ့လာတော့မယ်ဆို ပထမဆုံး
ဖြစ်ရပ်တချို့ကို
ရှုကြည့်လေ့လာရပါတယ်။ အဲဒီလို သိပ္ပံပညာရှင်တွေ
ရှုကြည့်လေ့လာတဲ့
ဖြစ်ရပ်တွေကို “variables”လို့ ခေါ်ပါတယ်။ ပြောင်းလဲနိုင်တဲ့
ဘယ်အရာမဆို
ဗဲရီအဘယ်(လ်) ဖြစ်ပါတယ်။ သိပ္ပံပညာ ရှင်တစ်ယောက်က ကိုယ်စိတ်ဝင်စားရာ
ဗဲရီအဘယ်(လ်)တစ်ခုကို ရှုကြည့်လေ့လာတော့မယ်ဆိုရင် အရေးကြီးတာတစ်ခု
က အဲဒီ ဗဲရီအဘယ်(လ်)နဲ့
ပတ်သက်ပြီး “operational definition”ဖွင့်ရပါတယ်။
operational definitionဆိုတာ သုတေ သနပြုရမယ့် ဗဲရီအဘယ်(လ်)ကို
ဘယ်လို တိုင်းတာလို့ ရမယ်၊ မျက်မြင်ဒိဌ ဘယ်လို ရှုကြည့်လို့ ရတယ်
ဆိုတာကို ခိုင်လုံ တဲ့ အချက်အလက်တွေနဲ့ ဖော်ပြထားခြင်း ဖြစ်ပါတယ်။
အဲဒီလို ဖွင့်ဆိုဖို့ အင်မတန် အရေးကြီးပေမယ့်
မြန်မာ့ပညာရေး
အဆောက်အအုံတွေမှာ အလေးမထားတာ တွေ့ရပါတယ်။ တက္ကသိုလ်
ကျောင်းသား/သူ၊ ဆရာ/မ တော်တော်များများရဲ့ နှုတ်က “concept”ဆိုတဲ့
ဝေါဟာရကို ရေလဲသုံးတာ
တွေ့ရလိမ့်မယ်။ “concept”ရဲ့ operational definition
ဘာလဲလို့
သွားမေးရင်တော့ ဖြေနိုင်သူ နည်းပါလိမ့်မယ်။
ဒုတိယအဆင့်ကတော့
“formulating hypotheses and predictions”ပါ။
hypothesisကို အနုမာနအယူအဆလို့
ဘာသာ ပြန်ကြတာ ရှိပါတယ်။
သဘောမကျလို့ hypothesisလုိ့ပဲ သုံးပါမယ်။ hypothesisဆိုတာ သီအရီ
တစ်ခုကနေ ယုတ္တိကျကျ
တွေးခေါ်စဉ်းစားရာက ရရှိလာတဲ့ အိုင်ဒီးယတစ်ခု
ဖြစ်ပါတယ်။ စမ်းသပ်ကြည့်နိုင်တဲ့ ခန့်မှန်းချက်လို့လည်း ပြောနိုင်ပါတယ် ။
ဥပမာလေး ပေးကြည့်ပါမယ်။
“self-determination” သီးအရီဆိုတာ ရှိတယ်။
အဲဒီ သီးအရီအရဆိုရင်
လူတွေဟာ အရေးကြီးတဲ့ လိုအပ်ချက်တွေဖြစ်တဲ့
နွေးထွေးတဲ့ဆက်နွှယ်မှု၊
လွတ်လပ်မှု၊ အရည်အသွေး ပြည့်ဝမှု အစရှိတာတွေကို
လုံလုံလောက်လောက် ရရှိမှသာ ပြည့်ဝတဲ့
ဘ၀ကို ပိုင်ဆိုင်ရတယ်လို့
ခံစားရပါတယ်။
ဒါက ရှိနှင့်ပြီးသား သီးအရီ။ အဲဒီ အပေါ်အခြေခံပြီး
ယုတ္တိကျကျ စဉ်းစားလိုက်တော့
hypothesisတစ်ခု ရရှိလာပါတယ်။
အဲဒီ hypothesisကတော့ ပြင်ပ ဆုလာဘ်တွေဖြစ်တဲ့
ငွေကြေးချမ်း
သာမှု၊ ရုပ်ဝတ္ထုပစ္စည်းတွေ ပြည့်စုံမှု၊ ရာထူး အဆင့်မြင့်မားမှု၊ ရုပ်ရည်
ချောမောမှု
စတာတွေကို နွေးထွေးတဲ့ ဆက်နွှယ်မှု၊ လွတ်လပ်မှု၊
အရည်အသွေး ပြည့်ဝမှုတို့ထက်
ပိုပြီးတန်ဖိုးထားတဲ့ လူတွေရဲ့
ဘ၀ဟာ ပြည့်ဝမှု နည်းလာမယ်။ ပျော်ရွှင်မှု
နည်းလာမယ်။ ဘ၀မှာ
အဆင်ပြေအောင် ထိန်းညှိနိုင်မှု နည်းလာမယ်။ ဒီ hypothesisကို
သုတေသနပညာရှင်တွေဖြစ်တဲ့ Timothy Kasser and
Richard
Ryanတို့ရဲ့ တွေ့ရှိချက်တွေက ထောက် ခံပေးထားပါတယ်။ ဒီနေရာမှာ
အရေးကြီးတာက သီးအရီနဲ့ hypothesisဟာ အခု ကျွန်တော် ပေးခဲ့တဲ့
ဥပမာလို ရိုးရှင်း လွယ်ကူဖို့ မလိုအပ်ပါဘူး။ သီးအရီတစ်ခုကနေ
hypothesisတွေ အများကြီး ပေါ်ထွက်လာနိုင်ပါတယ်။ သီးအရီတစ်ခုက
ပေါ်ထွက်လာတဲ့ hypothesisတွေ မှန်ကန်ကြောင်း သုတေသနနဲ့
ထောက်ခံပေးနိုင်လေ အဲဒီသီးအရီရဲ့ ယုံကြည်နိုင်တဲ့ အရည်အသွေး
ပိုမိုမြင့်မားလေပါပဲ။
ဥပမာဆိုရရင် ဆင့်ကဲဖြစ်စဉ် သီးအရီကို
သိပ္ပံပညာရှင် တော်တော်များများ အခုချိန်ထိ လက်ကိုင်ပြုနေတာဟာ
အဲဒီ သီးအရီက ဖြာထွက်လာတဲ့ hypothesisတွေကနေ နောက်ထပ်
ရှုကြည့်လေ့လာဖို့ ခန့်မှန်း နိုင်စွမ်းရှိလို့ပါ။
တတိယအဆင့်ကတော့
“testing through empirical research” (လက်တွေ့
သုတေသနပြု၍ စမ်းသပ်ကြည့်ခြင်း)
ဖြစ်ပါ တယ်။ ဒုတိယအဆင့်မှာ ဖော်ထုတ်
ခဲ့တဲ့
hypothesisတွေကို လက်တွေ့သုတေသန ပြုလုပ်ပြီး စမ်းသပ်ကြည့်ရပါတယ်။
တစ်နည်းပြောရရင် ဒေးတတွေ စုဆောင်းပြီး ခွဲခြမ်းဆန်းစစ်ကြည့်ခြင်းပဲ
ဖြစ်ပါတယ်။ ဒေးတတွေ စုဆောင်းနိုင်ဖို့ဆိုရင် အရေးကြီးတာက သုတေသနမှာ
ပါဝင်ဖို့
ဘယ်သူတွေကို ရွေးချယ်မှာလဲ ဘယ်သုတေသန နည်းလမ်းတွေကို ရွေးချယ်
အသုံးပြုမလဲ
စတာတွေပါ။ သိပ္ပံပညာရှင်တွေ လေ့လာမှုတစ်ခု ပြုတဲ့အခါမှာ
သူတို့တွေဟာ ပါဝင်တဲ့သူတွေကို
တင်မကဘဲ တခြားသူတွေအတွက်ပါ
ကောက်ချက်ချနိုင်ဖို့ ကြိုးစားကြပါတယ်။
အဲဒီလို သိပ္ပံပညာရှင်တွေ
ကောက်ချက်ဆွဲချင်တဲ့ တစ် အုပ်စုလုံးကို “population”လို့ သုံးပါတယ်။ populationအတွက် ကောက်ချက်ဆွဲနိုင်ဖို့ ရွေးချယ်လိုက်တဲ့
အုပ်စုငယ်လေး
ကိုတော့ “sample”လို့ ခေါ်ပါတယ်။
ရွေးချယ်လိုက်တဲ့ sampleဟာ
populationကို ကိုယ်စားပြုဖို့
အင်မတန် အရေးကြီးပါ တယ်။ အသုံးများတဲ့
smaple ရွေးနည်းကတော့ ကျပန်းရွေးခြင်း
(random sample)ပါ။
ဒါပေမယ့်လည်း random sample ကို အမြဲတမ်း
မသုံးပါဘူး။ population
တစ်ခုလုံးနဲ့ ဆိုင်တာကို မလေ့လာဘဲ တိကျတဲ့အခြေအနေတွေမှာရှိတဲ့
တိကျတဲ့ အကြောင်းအရာတစ်ခုကိုပဲ လေ့လာချင်ရင်တော့ random
sampleကို မသုံးပါဘူး။ လေ့လာချင်တဲ့
လက္ခဏာတွေရှိတဲ့ သူတွေကိုပဲ
ရွေးချယ်ပါတယ်။
ကိုယ်ရွေးချယ်လိုက်တဲ့ smapleဟာ ကောက်ချက်ဆွဲချင်တဲ့ populationကို
ဘယ်လောက်ပဲ ကိုယ်စားပြုပါစေ တစ်ကြိမ် သုတေသန ပြုရုံနဲ့တော့
ယေဘုယျကောက်ချက် ဆွဲလို့မရပါဘူး။ လေ့လာမှုပေါင်းများစွာ
ပြုလုပ်ပြီးမှပဲ
ယေဘုယျကောက် ချက် ချလေ့ရှိပါတယ်။
Hypothesisတွေကို လက်တွေ့စမ်းသပ်လို့
ရလာတဲ့ ဒေးတတွေကို ခွဲခြမ်းဆန်းစစ်
(data analysis) လုပ်ဖို့ အင်မတန် အရေးကြီးလှပါတယ်။ အဲဒီလို ခွဲခြမ်းဆန်း
စစ်ရာမှာ သင်္ချာပညာက နည်းလမ်းတွေကို အသုံးပြုရပါတယ်။ ဒါတွေကိုတော့
ကျွန်တော့်ဆောင်းပါးမှာ ချန်ထားခဲ့ပါတော့မယ်။ ရွေးချယ်အသုံးပြုမယ့်
သုတေသန
နည်းလမ်းတွေအကြောင်းကိုလည်း ဒီဆောင်းပါးမှာ မဆွေးနွေးတော့ပါဘူး။
စတုတ္ထအဆင့်ကတော့ “drawing
conclusions”(ကောက်ချက်ဆွဲခြင်း) ဖြစ်ပါတယ်။
တတိယအဆင့်မှာ ပြုလုပ်ခဲ့တဲ့ data analysisအပေါ် အခြေခံပြီး ကောက်ချက်
ဆွဲကြပါတယ်။ အကယ်၍ ဆွဲလိုက်တဲ့ ကောက်ချက်က
မူလသီးအရီနဲ့ မတူ ဖြစ်
နေတယ်ဆိုပါစုို့။ အဲဒီအခါ သီးအရီကို မပြောင်းလဲခင်
သုတေသနကို ထပ်မံပွားများ
လုပ်ဆောင်ကြည့်ရပါဦးမယ်။ မတူညီ တဲ့
သုတေသနပညာရှင်တွေက မတူညီတဲ့
သုတေသနနည်းလမ်းတွေကို သုံးပြီး လေ့လာတာတောင်မှ မူလတွေ့ရှိထားတဲ့
သုတေသနရလဒ်ကိုပဲ ပေးနေသေးရင် ယုံကြည်ထိုက်ပြီလို့ ဆိုနိုင်ပါတယ်
(realiability)။ အဲဒီအခါမှသာ မူရင်းသီးအရီကို ပြန်လည်ပြင်ဆင်ဖုိ့
သုံးသပ်ရမှာပါ။
နောက်ဆုံးအဆင့်ကတော့ “evaluating
conclusions”(ကောက်ချက်ချထားခြင်းကို
ပြန်လည်သုံးသပ်ခြင်း) ဖြစ်ပါတယ်။
သုတေသနပညာရှင်တွေက သူတွေ့ရှိတာကို
ပညာရပ်ဆိုင်ရာ ဂျာနယ်တွေကနေ
ဖော်ပြလိုက်တယ်။ မဖော်ပြခင် “peer review”
အဆင့် ဖြတ်သန်းရတယ်။
ဖော်ပြပြီးတော့ သူ့တွေ့ရှိချက်ကို ဖတ်ထားသူတွေရဲ့
အကဲဖြတ် ဝေဖန်ခံရတယ်။
ပညာရပ် ဆိုင်ရာ အသိုက်အ၀န်းမှာ ဆွေးနွေးငြင်းခုန်ရင်း
သူ့ကောက်ချက်အပေါ် မေးခွန်းအသစ်တွေ
ထုတ်လာကြမယ်။ အဲဒီအခါ ပြန်လည်
လေ့လာရင်း လေ့လာရင်း ပညာရပ်က ပိုမိုတိုးတက်လာမယ်။ ဒါပေမယ့် လေ့လာနေရခြင်းက
မဆုံးတော့ဘူး။ ထပ်ကျော့
လာနေမယ် (iterative process)။
သိပ္ပံရဲ့အခြေခံသဘောလောက်ကို ဆွေးနွေးလိုက်ခြင်းဖြင့်
မြန်မာပညာရေးမှာ
မူလတန်းကနေ ပါရဂူသင်တန်းအထိ သိပ္ပံ လို့ ခေါင်းစဉ်တပ်ထားတဲ့
ဘာသာရပ်
တွေကို လေ့လာနေတာ သိပ္ပံနည်းမကျဘူးဆိုတာ ဆင်ခြင်လို့ ရမယ်ထင်ပါတယ်။
သိပ္ပံနည်းမကျမှတော့ သိပ္ပံတံဆိပ်ကပ်ထားလည်း သိပ္ပံမဟုတ်တော့ပါဘူးလုိ့
ပြောချင်ပါတယ်။
Ref; 1.Psychology by Laura A. King
2. Human Motivation by Robert E. Franken
