တောမတ်စ်မွန်းမှာ
ကုန်သည်ဝါဒီများဟု အမည်တွင်သည့် ၁၇ ရာစုဗြိတိန် ကုန်သည်စီးပွားရေး
ပညာရှင်အဖွဲ့မှ လူသိ အများဆုံးနှင့် ရိုသေလေးစားမှု အခံရဆုံး အဖွဲ့ဝင် တစ်ဦး
ဖြစ်သည်။ အင်္ဂလန်အနေနှင့် စီးပွားရေးအရ ကြွယ် ဝလာစေရန် ကုန်သွယ်မှုအပိုတန်ဖိုးရအောင် ဆောင်ရွက် ရမည်ဟု ယင်းအဖွဲ့က အဆိုပြုသည်။
မွန်းရှင်းပြသကဲ့သို့ပင်-“ကျွန်ုပ်တို့၏ ဓနနှင့်ဥစ္စာကို တိုးပွားစေရန် သာမန်နည်းလမ်း တစ်ခုမှာ နိုင်ငံခြားကုန်သွယ်ရေး (Forreign Strangers) ဖြစ်သည်။ ဤနေရာတွင် နိုင်ငံခြားသားများ (Stranger) ထံမှ ကျွန်ုပ်တို့ ဝယ်ယူစားသုံးမှုထက် နိုင်ငံခြား သားများထံ ကျွန်ုပ်တို့ ရောင်းချမှုမှာ တန်ဖိုးအားဖြင့် နှစ်အ လိုက်ပိုနေရမည်ဆိုသော စည်းမျဉ်းကို ကျွန်ုပ်တို့ အစဉ် မပြတ် လိုက်နာရမည် ဖြစ်သည်။ ကျွန်ုပ်တို့ထံ ကုန်ပစ္စည်းဖြင့် ပြန်လည် ပေးချေခြင်းမပြုသော ယင်းပိုငွေ (နှစ်အလိုက် ကုန်သွယ်မှုပိုငွေ) ကို အဖိုးတန် ဥစ္စာတို့အသွင်ပြောင်းကာ ပြည်တွင်းသို့ ယူဆောင်လာရမည်။
မွန်း၏ဘဝနှင့် ပတ်သက်၍ အနည်းအကျဉ်းသာ သိရသည်။ သူ့အဘိုးမှာ တော်ဝင်ဒင်္ဂါးစက်ရုံ (Royal Mint) တွင် အလုပ်လုပ်ပြီး သူ့ဖခင်မှာ အထည်အလိပ် ကုန်သည်တစ်ဦး ဖြစ်သည်။ မွန်းကိုယ်တိုင်ပင်လျှင် အစော ပိုင်းက ကုန်သည်တစ်ယောက်ဖြစ်ပြီး အီတလီနိုင်ငံတွင် နှစ်ပေါင်းများစွာ နေထိုင်ကာ ဓနဥစ္စာ အမြောက် အမြားကို မြန်မြန်ဆန်ဆန် စုဆောင်းနိုင်ခဲ့သည်။ နောက်ပိုင်းတွင် အရှေ့ဖျား (Far East) ဒေသနှင့်ကုန် သွယ်နေသည့် ဗြိတိန်ဖက်စပ် ကုမ္ပဏီကြီးတစ်ခုဖြစ်သည့် အရှေ့အိန္ဒိယကုမ္ပဏီ (East India Company) ထဲ ပါဝင်ပတ်သက်လာသည်။ ၁၆၁၅ ခုနှစ်တွင် သူ့ကို အရှေ့အိန္ဒိယကုမ္ပဏီ၏ ဒါရိုက်တာအဖြစ် ရွေးေ ကာက် တင်မြှောက်ခဲ့ပြီး သူ့ဘဝတစ်သက်လုံး ယင်းတာဝန်ကို ထမ်းဆောင်ခဲ့သည်။ ဓနဥစ္စာနှင့် လူမှုရေး ဂုဏ်ပုဒ်တို့ကို ပိုင်ဆိုင်ထားသော မွန်းကို မြောက်မြားလှစွာသော ဗြိတိန်ကော်မတီနှင့် ကော်မရှင်များတွင် ခန့်အပ်ခံရသည်။ ယင်းကော်မရှင် အများစုမှာ ကော်မရှင်အဖွဲ့ဝင်တို့၏ နာမည်စာရင်းရှည်ကြီးထဲတွင် မွန်းနာမည်ပါဝင်သော အစီရင်ခံစာများ ထုတ်ပြန်ခဲ့ကြသည်။ သို့သော် မွန်းကိုယ်တိုင်မှာ စီးပွားရေးစာ တမ်း နှစ်စောင်သာ ရေးသားခဲ့သည်။
သူ့ပထမစာတမ်း (မွန်း ၁၆၂၁)မှာ အရှေ့အိန္ဒိယ ကုမ္ပဏီကိုဝေဖန်သည့် ဝေဖန်ရေးသမားများကို ချေပထား သည်။ ဝေဖန်ရေးသမားများက ကုမ္ပဏီအနေနှင့် (ဟင်းခတ် အမွှေးအကြိုင်များနှင့် ဖလှယ်ရန်) ရွှေနှင့် ငွေ တို့ကို အရှေ့တိုင်းသို့ တင်ပို့နေရာ အဖိုးတန် ကျောက်မျက်ရတနာတို့ ဆုံးရှုံးမှုမှာ ဗြိတိန်နိုင်ငံ၏ စီးပွားရေး ကို ထိခိုက်စေသည်ဟု ဆိုသည်။ ကုန်သွယ်ရေး စစ်တမ်းမှာမူ (A Discourse of Trade) အယူအဆအာြး ဖင့် ကုန်သည်ရေးဝါဒ မဆန်လှပါ။ ကုန်သွယ်မှု အပိုတန်ဖိုးနှင့် ရွှေစုဆောင်းမှုကို ထောက်ခံအကြံပြုခြင်း ထက် မွန်းမှာ အရှေ့အိန္ဒိယ ကုမ္ပဏီကို အထောက်အပံ့ပြုရန် သူစဉ်းစားလို့ရသမျှ ဆွေးနွေး ငြင်းခုံချက် များကို တင်ပြထားခြင်း ဖြစ်သည်။
ခြိုးခြံချွေတာခြင်း၊ သုံးစွဲမှုထက် ပိုမိုငွေရှာခြင်းတို့ဖြင့် မိသားစုများ ကြွယ်လာခြင်းသည်ပင်လျှင် နိုင်ငံမျာြး ကွယ်ဝလာရခြင်းနှင့် တူညီသော အကြောင်းတရား ဖြစ်ကြောင်း မွန်းက အခိုင်အမာ ဆိုသည်။ ထို့တူ ပင် နိုင်ငံများနှင့် မိသားစုများမှာ အလွန်အကျူး သုံးစွဲခြင်းဖြင့် ဆင်းရဲလာရသည်။ ဤအတိုင်းပင်၊ အရှေ့ အိန္ဒိယကုမ္ပဏီအနေနှင့် ငွေရှာနေသရွေ့ ဗြိတိန်နိုင်ငံကို ပိုမဆင်းရဲစေနိုင်ဟု မွန်းက ဆင်ခြေတက်သည်။
နောက်ထပ်ချေပချက်တစ်ခုမှာ အိန္ဒိယနိုင်ငံနှင့် ကုန်သွယ်ခြင်းသည် ဗြိတိန်နိုင်ငံ၏ ပို့ကုန်များအတွက် ဈေး ကွက်တစ်ခုရသည်ဟု မွန်းက ခုခံပြောဆိုသည်။ ယင်းအပြင် အိန္ဒိယနိုင်ငံနှင့် ကုန်သွယ်ခြင်းဖြင့် တူရကီနှင့် ကုန်သွယ်ရေးကို စွန့်လွှတ်နိုင်သဖြင့် ဗြိတိန်နိုင်ငံအတွက် ကောင်းကျိုးပြုသည်။ ကုန်ပစ္စည်း အတူတူကိုပင် တူရကီနိုင်ငံမှ တင်သွင်းပါက ဗြိတိန်နိုင်ငံအဖို့ ကုန်ကျစရိတ် ပိုမိုမြင့်မားလိမ့်မည်ဟု မွန်းက ထောက်ပြ သည်။
နောက်ဆုံးတွင် မွန်းဆင်ခြေတက်သည်မှာ ဇိမ်ခံပစ္စည်း တင်သွင်းမှုတိုင်းသည် စီးပွားရေးထိခိုက်မှု မရှိနိုင်ဟု ဆိုသည်။ တင်သွင်းကုန်အချို့ကို ဗြိတိန်ကုမ္ပဏီတို့က အဆင့်မြှင့်တင်ပြီး ပြန်လည် တင်ပို့နိုင်သည်။ ဤ နည်းဖြင့် ဗြိတိန်နိုင်ငံတွင်းသို့ အဖိုးတန် ကျောက်မျက်ရတနာများ အသားတင် ဝင်ရောက်လာစေမည်။ ယေ ဘုယျအားဖြင့် အရှေ့အိန္ဒိယကုမ္ပဏီ တင်သွင်းလာသည့် ကုန်ပစ္စည်းတို့မှာ ဗြိတိန်ပို့ကုန်သမားများ လို အပ်သည့် ကုန်ပစ္စည်းများ ဖြစ်သည်ဟု မွန်းက အခိုင်အမာ ဆိုသည်။
ယင်းစစ်တမ်းက မွန်းကို အရှေ့အိန္ဒိယ ကုမ္ပဏီအတွက် ရှေ့နေလိုက်ပေးသူအဖြစ် ထင်မြင်စေသော်လည်း သူသေပြီးနောက်ပိုင်း ထုတ်ဝေသည့် (၁၆၆၄) ဒုတိယမြောက်စာအုပ်ကမူ မွန်းကို အရေးပါသော ကနဦး စီးပွားရေး အတွေးအခေါ်သမား တစ်ယောက်အဖြစ် လက်ခံလာစေသည်။ နိုင်ငံခြား ကုန်သွယ်ရေးဖြင့် အင်္ဂလန်၏ရတနာ (England's treasure by Forraign Trade) စာအုပ်နှင့်ပတ်သက်၍ မှတ်သားဖွယ် အကောင်းဆုံးမှာ ပိုမိုကျယ်ပြန့်သော အတွေးအမြင် ဖြစ်သည်။ မွန်းအနေနှင့် အရှေ့အိန္ဒိယ ကုမ္ပဏီကို ကာကွယ်ချေပရန် ကြိုးစားခြင်း မရှိတော့ပေ။ ယင်းထက် သူသည် နိုင်ငံတစ်ခုလုံးအနေနှင့် ရှု့ထောင့် ပြော င်းလဲလက်ခံလာသည်။ ကုန်သွယ်ရေးကို အရှေ့အိန္ဒိယ ကုမ္ပဏီဖြင့် ကုန်သွယ်ရေး ဆိုသည်ထက် အားလုံး ခြုံငုံမိသော ကုန်သွယ်ရေးကို တွေးခေါ်ယူဆလာသည်။
ပြီးတော့ နိုင်ငံခြားကုန်သွယ်ရေးမှာ ကုန်သွယ်မှု အပိုတန်ဖိုးကို ဦးတည်နေသရွေ့ နိုင်ငံတစ်နိုင်ငံကို ချမ်းသာစေသည်ဟု သူကအဆိုပြုသည်။ နိုင်ငံတစ်နိုင်ငံကို ကုန်သွယ်မှုအပိုတန်ဖိုး ဖန်တီးပေးနိုင်မည့် အကြောင်းအချက် တို့ကိုလည်း မွန်းအနေနှင့် စောကြောလာသည်။ နောက်ဆုံးတွင် ဗြိတိန် ခေါင်းေ ဆာင်များအနေနှင့် နိုင်ငံတော်ကုန်သွယ်ရေး အနေအထားကို တိုးတက်စေလိုသည့် ဆန္ဒရှိပါက အကောင် အထည် ဖော်နိုင်မည့် အဆိုပြုချက်တစ်စုံကို မွန်းကချပြသည်။
ကုန်သွယ်မှု အပိုတန်ဖိုး၏ အကျိုးကျေးဇူးကို ရှင်းလင်းတင်ပြသည့်အပြင် မွန်းမှာ ယင်းအပိုတန်ဖိုးကို အားပေးနိုင်ရန် လုပ်ဆောင်နိုင်ပုံကိုလည်း ရှင်းပြသည်။ ပထမအချက်မှာ ဈေးနှုန်းမူဝါဒ (Price Policy) ဖြစ်သည်။ မွန်းက ပို့ကုန်များကို အကောင်းဆုံးဈေးနှုန်းဖြင့် ရောင်းချလိုသည်။ ဒုတိယအချက်မှာ အရည်အသွေးမြင့် ကုန်စည်များကို ကမ္ဘာတစ်လွှားတွင် ပိုမိုလိုအပ်လာခြင်းက ဗြိတိန်နိုင်ငံအတွက် ပို့ကုန်များ ပိုမိုတင်ပို့ရေးဆီသို့ ဦးတည်စေလိမ့်မည်ဟု မွန်းက ရှင်းပြသည်။
နောက်ဆုံးအချက်မှာ၊ နိုင်ငံတော်အခွန်မူဝါဒ (National Tax Policy) က ကုန်သွယ်မှု အပိုတန်ဖိုးကို မည်ကဲ့သို့ ဖြစ်ပေါ်စေနိုင်ကြောင်း မွန်းက ရှင်းပြသည်။ (အမျိုးသား အကျိုးစီးပွားနှင့် ဆန့်ကျင်လျက်) အချို့ကုမ္ပဏီတို့မှာ ဇိမ်ခံကုန်စည်တို့ကို တင်သွင်းရန် လိုလားကောင်း လိုလားမည်ကို မွန်းက အသိအမှတ်ပြုသည်။
အသက်ရှင်နေထိုင်ရေးအတွက် မရှိမဖြစ်လိုအပ်သော ကုန်စည်ဈေးနှုန်း မြင့်မားမှုသည် လုပ်အားခ မြင့် တက်စေသောအခါ ဗြိတိန်အလုပ်သမားများ၏ လူနေမှုအဆင့်အတန်းမှာ ပြောင်းလဲမှုမရှိဘဲ သတ်မှတ် ကုန်စည်ခွန်ကို လူချမ်းသာများက ပေးဆောင်မည်။ လူချမ်းသာများအနေနှင့် ယင်းအခွန်ပေးခြင်းကို ရှော င်ရန် နည်းလမ်းနှစ်ခုသာ ရှိသည်။ သူတို့အနေနှင့် အလုပ်ကို အချိန်ကြာကြာနှင့် ပြင်းပြင်းထန်ထန် လုပ်နိုင် သည်။ သို့မဟုတ်ပါက သူတို့အနေနှင့် ဇိမ်ခံ ကုန်စည်စားသုံးမှုကို လျှော့ချနိုင်သည်။ မည်သည့်နည်းကို ရွေး သည်ဖြစ်စေ နိုင်ငံအနေနှင့် အကျိုးဖြစ်ထွန်းစေမည်ဟု မွန်းကဆိုသည်။
သို့သော် အစိုးရအနေနှင့် အခွန်ဘဏ္ဍာတွေ ကောက်ခံပြီး အလွန်အကျူး ဖြုန်းတီးသုံးစွဲခြင်းကိုမူ မွန်းက မလိုလားပေ။ အခွန်အကောက်ငွေများကို စုဆောင်းထားမှသာ စစ်ပွဲများကဲ့သို့ နိုင်ငံတော် အရေးပေါ် ကိစ္စရပ်များတွင် အဆင်သင့်သုံးစွဲနိုင်မည် ဖြစ်သည်။ တစ်ချိန်တည်းမှာပင် နိုင်ငံတော်အနေနှင့် အခွန် ဘဏ္ဍာများကို အလွန်အကျူး စုဆောင်းမထားသင့်ပေ။ သို့မှသာ နိုင်ငံတော်၏ အရင်းအနှီး ထောက်ပံ့မှု မကျဆင်းပေမည်။ ကြားအဖြေအနေနှင့် မွန်းအဆိုပြုသည်မှာ နှစ်စဉ်ကုန်သွယ်မှု အပိုတန်ဖိုးနှင့် ညီမျှသော သုံးစွဲခြင်းထက်ပိုသော အခွန်ကိုသာ နိုင်ငံတော်အနေနှင့် စုဆောင်းသင့်သည်။
၁၈ နှင့် ၁၉ ရာစုနှစ်များအတွင်း မွန်းနှင့် ကုန်သည်ဝါဒကို အခြားစီးပွားရေး ပညာရှင်များက သဲသဲမဲမဲ ဝေ ဖန်လာသည်။ ကုန်သွယ်ရေး မညီမျှမှုတွေက အလိုအလျောက် ပြင်ဆင်တည့်မတ်သွားပုံကို David Hume က ရှင်းပြသည်။ Francois Quesnay နှင့်Adam Smith တို့ကလည်း ကုန်သွယ်ရေးဝါဒီများကို ပြင်းပြင်းထန် ထန် ဝေဖန်သည်။ စီးပွားရေး လုပ်ငန်းများအပေါ် အစိုးရ၏ စည်းမျဉ်း စည်းကမ်းတင်းကျပ်မှု လျော့နည်းမှ သာ ပြည်တွင်း ကုန်ထုတ်လုပ်မှုကို အားကောင်းစေလိမ့်မည်ဟု ဆိုသည်။ နောက်ဆုံးတွင် ဒေးဗစ်ရီကာဒိုက လွတ်လပ်သော ကုန်သွယ်ရေးအတွက် အဆိုပြုချက်တစ်ခု တင်သည်။ ယင်းကုန်သည်ရေး ဝါဒီဆန့်ကျင်ရေး အမြင်များကို စီးပွားရေးပညာရှင်အများစုက အလေးအနက် စဉ်းစားလာကြသည်။
သို့သော်လည်း ၂၀ ရာစုတွင် ကုန်သွယ်ရေးဝါဒီများ၏ စဉ်းစားပုံ တစ်ခေတ်ပြန်ဆန်းလာသည်ကို ကြုံရ သည်။ ကုန်သွယ်မှု အပိုတန်ဖိုးက ဖြစ်ပေါ်စေသော ဝယ်လိုအားက စီးပွားရေး တိုးတက်မှုကို မြှင့်တက်ေ စကြောင်း အသိအမှတ် ပြုထားခြင်းအတွက် ကုန်သွယ်ရေးဝါဒီများကို ဂျွန်မေနက်ကိန်းက (John Maynard Keynes) က ချီးကျူးသည်။ နိုင်ငံများအနေနှင့် ကုန်သွယ်မှု အပိုတန်ဖိုးကို ဖြစ်ပေါ်စေခြင်းဖြင့် ကိုယ့်နိုင်ငံ သားများအတွက် ဝင်ငွေနှင့် အလုပ်အကိုင်ကို ဖန်တီးပေးနိုင်သလို ကုန်သွယ်မှု အပိုတန်ဖိုးကြောင်း စီးဝင်လာသော ငွေတို့ကိုလည်း စီးပွားရေး ရင်းနှီးမြှုပ်နှံမှုကို တိုးမြှင့်ရာတွင် အသုံးပြုပေလိမ့်မည်ဆိုသော အယူအဆနှင့် ပတ်သက်၍ ကုန်သွယ်ရေးဝါဒီများကို ] ‘Notes on Mercantilism’ ခေါင်းစဉ်ဖြင့် ၁၉၃၆ ခုနှစ်ထုတ်ကိန်း၏ အထွေထွေသီအိုရီ (General Theory) စာအုပ် အခန်း (၂၃) တွင် အသိအမှတ်ပြု ထားသည်။
သို့သော် ကုန်သွယ်ရေးဝါဒီ စစ်တမ်းများနှင့် ပတ်သက်၍ အပြင်းအထန် ထောက်ခံမှုကို အာရှတွင် တွေ့နိုင် စရာ ရှိသည်။ ၂၀ ရာစု ဒုတိယနှစ်ဝက်အတွင်း ဂျပန်စီးပွားရေးအောင်မြင်မှုမှာ ရည်ရွယ်ချက်အားဖြင့် ကုန်သွယ်ရေးဝါဒ မဟုတ်လျှင်သော်မှ အနှစ်သာရအားဖြင့် ကုန်သွယ်ရေးဝါဒဖြစ်သော စီးပွားရေးမူဝါဒ များ၏ အထောက်အကူဖြင့် အောင်မြင်ခဲ့ခြင်း ဖြစ်သည်။ ဂျပန်အစိုးရသည် အဆင့်မြင့်ထုတ်ကုန် အရည်အသွေး စံချိန်စံညွှန်းများ သတ်မှတ်ပေးသည်။ ယင်း စံချိန်စံညွှန်းများက ဂျပန်ကို အရည်အသွေးမြင့် ကုန်စည်များ ထုတ်လုပ်သူ ဖြစ်လာစေသည်။ ပြည်တွင်း ကုမ္ပဏီများကို ကုန်စည်တင်ပို့ရန် အားပေးပြီး တစ်ဖက်က သွင်းကုန်များကို တားမြစ်ရန် အကောက်ခွန်များနှင့် ကိုယ်ကျိုးစီးပွား ကာကွယ်ရေးဝါဒကို အသုံးပြုခြင်းဖြင့်လည်း စီးပွားရေးအောင်မြင်မှုကို ရယူခဲ့သည်။
ယနေ့အခါတွင် စီးပွားရေးပညာရှင်များက သူကို သိပ်စဉ်းစားခြင်း မပြုတော့သော်လည်း ပြီးတော့ သူ အနေနှင့် အထင်ကရရှာဖွေ တွေ့ရှိချက်အသစ်တို့ မလုပ်ခဲ့သော်လည်း မွန်းသည် စီးပွားရေးပညာရပ် သမိုင်းတွင် သမိုင်းချန်ရစ်ခဲ့နိုင်သည်။ ကုန်သွယ်မှု အပိုတန်ဖိုး ဖြစ်ပေါ်စေရန် အစိုးရစီးပွားရေး မူဝါဒကို အသုံးပြုရမည်ဆိုသော အယူအဆနှင့် စီးပွားရေး တိုးတက်ရန် နည်းလမ်းမှာ ပို့ကုန်လုပ်ငန်း တိုးတက် လာမှုဆိုသော အယူအဆတို့မှာ သူ၏ခိုင်မာသော တင်ပြချက်များအဖြစ် အသိအမှတ် ပြုရပေမည်။
(Steven Pressman ရေးသားသည့် Fifty Major Economists စာအုပ်ကို ဆီလျော်အောင် ပြန် ဆိုထားခြင်း ဖြစ်ပါသည်။)
ဉာဏ်မျိုးအောင်
No comments:
Post a Comment